Dzongkha Kuensel

  • English
  • Thursday, October 2nd, 2014 - 10:23 AM

    གནས་ཚུལ།

    ཚོང་འབྲེལ་གྱི་ གྲོས་འཆར་བཙུགས་མི་ཚུ་ལུ་ མ་དངུལ་བྱིན་ནི་གི་ ལཱ་འབད་བའི་བསྒང་ཡོདཔ།

    ༉ འབྲུག་ཚོང་འབྲེལ་དང་བརྡ་དོན་ལྟེ་བ་གི་ ཚོང་འབྲེལ་ཞབས་ཏོག་སྤྱོད་ནིའི་དོན་ལུ་ ཤོ་ཐེངས་དང་པའི་ནང་ ཐོ་བཀོད་འབད་མི་ཚུ་ལུ་ ཚོང་འབྲེལ་གྱི་ རྒྱབ་སྐྱོར་བྱིན་ནིའི་ ཚེས་གྲངས་མཇུག་དེ་ ཁ་ཙ་ཨིནམ་ལས་ མི་གྲངས་༤,༥༠༠ གིས་ ལྟེ་བ་དང་གཅིག་ཁར་ འབྲེལ་བ་འཐབ་ཡོདཔ་ཨིན་རུང་ ཚོང་འབྲེལ་གྱི་དོན་ལས་ གྲོས་འཆར་བཙུགས་མི་ཚུ་ལུ་ མ་དངུལ་བྱིན་ནིའི་དོན་ལུ་ ལཱ་ཚུ་འབད་བའི་བསྒང་ཡོདཔ་ཨིན་པས།

    གནས་ཚུལ།

    རྟ་མགོ་དགོན་པའི་ གཙུག་ལག་ཁང་ ཉམས་གསོ་ཞུ་ནིའི་དོན་ལུ་ ཐབས་ལམ་ཚུ་ ལྟ་བའི་བསྒང་ཡོདཔ།

    webTangos-Muralརྟ་མགོ་དགོན་པའི་ གཙུག་ལག་ལྷ་ཁང་ནང་ གག་འགྲམ་ཞུགས་མི་ ལྡེབས་རིས།

    ༉ ཐིམ་ཕུག་ རྟ་མགོ་དགོན་པའི་ གཙུག་ལག་ཁང་ལུ་ རང་བཞིན་གྱིས་ གག་འགྲམ་ཞུགས་པའི་ཁར་ ཉམས་སྐྱོན་ཤོར་མི་ ལྡེབས་རིས་རྙིངམ་ཚུ་ ཉམས་གསོ་ཞུ་ནིའི་དོན་ལུ་ ཐབས་ལམ་ཚུ་ ལྟ་བའི་བསྒང་ཡོདཔ་ཨིན་པས།

    རྩོམ་སྒྲིག་པའི་སྣང་འཆར།

    ལམ་སྲོལ་གྱི་ ལྟ་བཤལ་ཐོག་ལས་ དགའ་སྟོན་དང་དུས་སྟོན་ཚུ་ ཉམས་སྲུང་འབད་དགོཔ།

    ༉ འབྲུག་རྒྱལ་ཁབ་ཀྱི་ ཕྱི་དངུལ་འོང་འབབ་བཟོ་མི་ མཐོ་ཤོས་ཅིག་ཨིན་མི་ ལྟ་བཤལ་ལས་སྡེ་གིས་ འོང་འབབ་ཀྱི་འབྱུང་ཁུངས་ གང་མང་བཟོ་ནིའི་དོན་ལུ་ ལོ་ངོ་བཅུ་ཕྲག་ལྷགཔ་ཅིག་གི་ ཧེ་མ་ལས་ར་ ལྟ་བཤལ་དང་འབྲེལ་བའི་ མཐུན་རྐྱེན་དང་ ཐོན་སྐྱེད་ཚུ་ སྣ་ཚོགས་བཟོ་ནི་གི་ མནོ་བསམ་རྒྱ་ཆེར་བཏང་ནུག།

    གནས་ཚུལ།

    ཨ་རྒས་ཅིག་གིས་ ཁོ་རའི་ཚམོ་ལུ་ དབང་བཙོང་ལུས་འབྲེལ།

    ༉ བཀྲིས་སྒང་ བཀང་ལུང་ལུ་ སྐྱེས་ལོ་༧༦ ལང་མི་ ཨ་རྒས་ཅིག་གིས་ ཁོ་རའི་ཚམོ་ སྐྱེས་ལོ་༡༤ ལང་མི་ལུ་ དབང་བཙོང་ལུས་འབྲེལ་འབད་མི་ལུ་བརྟེན་ ཁྲིམས་སྲུང་འགག་པ་གིས་ འཛིན་བཟུང་འབད་དེ་ དོ་དམ་འོག་ལུ་བཙུགས་ཡོདཔ་ད་ ཚམོ་དེ་ དབང་པོ་སྐྱོན་ཅན་ཅིག་ཨིན་པས།

    གནས་ཚུལ།

    ད་རིས་ལས་ ལོ་བསྟར་གྱི་ ཐིམ་ཕུག་ཚེས་བཅུའི་གར་འཆམ་ མི་མང་ལུ་གཏོན་ནི།

    webIMG_9791རྒྱལ་གཞུང་ཟློས་གར་ལྟེ་བའི་ ན་གཞོན་ཚུ་གིས་ ཐིམ་ཕུག་ཚེས་བཅུ་གི་དོན་ལུ་ ཞབས་ཁྲ་སྦྱང་བ་འབད་བའི་བསྒང་།

    ༉ ལོ་བསྟར་བཞིན་དུ་ གནང་སྲོལ་ཡོད་མི་ ཐིམ་ཕུག་ཚེས་བཅུའི་ གར་འཆམ་དེ་ ད་རིས་ ཐིམ་ཕུག་བཀྲིས་ ཆོས་རྫོང་གི་ རྟེན་འབྲེལ་ཐང་ནང་སྦེ་ མི་མང་ལུ་ མཇལ་ཁ་གནང་ནི་ཨིན་པས། གར་འཆམ་ཚུ་ མི་མང་གི་དོན་ལུ་ འབྲུག་རྒྱང་བསྒྲགས་༢ པའི་ནང་ དངོས་མཐོང་སྦེ་ གསལ་སྟོན་འབད་ནི་ཨིནམ་ད་ དེ་ཚུ་གི་གྲས་ལས་ དང་པ་ར་ རྒྱལ་གཞུང་ ཟློས་གར་སློབ་སྦྱོང་ལྟེ་བའི་ སློབ་ཕྲུག་ཚུ་གིས་ བྱོན་པ་ལེགས་སོའི་ ཞབས་བྲོ་ཚུ་ རྐྱབ་ཐོག་ལས་ འགོ་བཙུགས་ནི་ཨིན་པས།

    གནས་ཚུལ།

    གནས་ཚུལ་མདོར་བསྡུས།

    ཁ་ཙ་ ཐིམ་ཕུག་ རྒྱལ་ཡོངས་ཚོགས་ཁང་ནང་སྦེ་ འབྲུག་ལུ་ འཛམ་གླིང་གསོ་བའི་ལས་ཚོགས་ཀྱི་ངོ་ཚབ་ ཌོག་ཊར་ ཨོར་ནི་ལ་ ལིན་སི་ཊོ་གིས་ མོ་རའི་ ངོ་སྤྲོད་ཡིག་ཆ་ཚུ་ ཕྱི་འབྲེལ་བློན་པོ་ རིག་འཛིན་རྡོ་རྗེ་ལུ་ ཕུལ་ཡོད་པའི་གནས་ཚུལ།

    གནས་ཚུལ།

    རྩོད་དཔོན་ཡོངས་ཁྱབ་ཡིག་ཚང་གིས་ བརྒལ་ལན་ཕུལ་ཡོདཔ།

    ༉ ཁ་ཙ་ རྩོད་དཔོན་ཡོངས་ཁྱབ་ཡིག་ཚང་གིས་ ཐིམ་ཕུག་རྫོང་ཁག་ཁྲིམས་འདུན་ལུ་ ལྕང་ཨྱོན་གྱི་སྐོར་ལས་ བརྒལ་ལན་ཕུལ་མིའི་ནང་ ལྕང་ཨྱོན་གྱིས་ ཁོ་ར་ རྒཔོ་སྦེ་སྡོད་པའི་སྐབས་ལུ་ ཐིམ་ཕུག་ཨོམ་ཁ་ལུ་ ཁོ་རའི་ མིང་ཐོག་ལུ་ཡོད་མི་ ས་ཆ་དེ་ ཨེ་ཀར་༢.༠༣ ལུ་ ཡར་སེང་འབད་ཡོདཔ་མ་ཚད་ ལུབ་ལྡིང་ལུ་ ས་ཆ་ཨེ་ཀར་༧ ཁོ་གི་མིང་ཐོག་ཁར་ བཙུགས་ནུག་ཟེར་ཨིན་པས།

    གནས་ཚུལ།

    གནང་བ་མེད་པར་ གཞུང་ཁྱིམ་ནང་འཛུལ་མིའི་ རྩོད་རྙོགས།

    ༉ ཞི་གཡོགཔ་ཅིག་གིས་ རྒྱལ་ཡོངས་ཁྱིམ་བཟོ་གོང་འཕེལ་ལས་འཛིན་ལས་ གནང་བ་མེད་པར་ ཐིམ་ཕུག་ ཀ་ཝང་བྱང་ས་ལུ་ཡོད་པའི་ གཞུང་ཁྱིམ་ཅིག་གི་ ལྡེ་མིག་བཅགས་ཐོག་ལས་ ཁྱིམ་ནང་འཛུལ་མི་ལུ་བརྟེན་ ལས་འཛིན་དང་ ཁོ་གི་བར་ན་ རྩོད་རྙོགས་ཐོན་ཡོདཔ་བཞིན་དུ་ ད་རེས་ ཁྲིམས་ཀྱི་འདུན་སར་ ལྷོད་ཡོདཔ་ཨིན་པས།

    གནས་ཚུལ།

    འབྲུག་གིས་ ལུས་རྩལ་འགྲན་བསྡུར་ནང་ དོ་འགྲན་ལེགས་ཤོམ་འབད་མ་ཚུགསཔ།

    webunnamedལུས་རྩལ་འགྲན་བསྡུར་ནང་བཅའ་མར་གཏོགས་མི་ཚུ་གིས་ རྒྱུག་འགྲན་ནང་ དོ་འགྲན་འབད་བའི་བསྒང་།

    ༉ ཁ་ཙ་ བང་རྒྱུག་ལས་རིམ་ནང་ ལྷག་པ་ཚེ་རིང་གིས་ དོ་འགྲན་འབད་ཡོད་རུང་ སྐོར་ཐེངས་དང་པ་ལས་ མཐར་འཁྱོལ་མ་ཚུགསཔ་ལས་ གཞན་མིའི་སྐོར་ཐེངས་ཚུ་ནང་ རྩེད་འགྲན་འབད་ནིའི་ གོ་སྐབས་ལེན་མ་ཚུགསཔ་ ཨིན་པས།

    གནས་ཚུལ།

    རྩི་རང་ཁྲོམ་ཁར་ སྒྲིང་ཁྱིམ་བཟོ་སྐྲུན་བཀག་ཆ་འབད་མི་གིས་ མི་མང་ལུ་བྱ་སྟབས་མ་བདེཝ་ཡོདཔ།

    webdamphutownརྩི་རང་ཁྲོམ།

    ༉ རྩི་རང་ཁྲོམ་ཁར་ བཟོ་སྐྲུན་གྱི་ལཱ་འབད་མ་ཆོག་པར་ བཀག་ཆ་འབད་དེ་ ལོ་༢ ལྷགཔ་ཅིག་སོང་ཡོདཔ་ལས་ དེ་ནང་ ས་ཆ་འཆང་སྡོད་མི་ མི་སེར་ཚུ་གིས་ ས་གནས་གཞུང་གི་འཆར་གཞི་དེ་ ཚ་ངེར་བཏོན་བཟོ་ཞིནམ་ལས་ བཟོ་སྐྲུན་གྱི་ལཱ་ འགོ་བཙུགས་ཆོགཔ་བཟོ་རུང་ བཏུབ་ནི་མས་ཟེར་ཨིན་པས།