Dzongkha Kuensel

  • English
  • Sunday, June 26th, 2016 - 11:54 AM

    གནས་ཚུལ།

    གནས་ཚུལ་མདོར་བསྡུས།

    ཁ་ཙ་ མི་དབང་མངའ་བདག་རིན་པོ་ཆེ་མཆོག་གིས་ བསམ་གྲུབ་ལྗོངས་མཁར་གྱི་ ཇོ་མོ་གཙང་ཁ་དང་ གསེར་ཐིག་གི་ མི་སེར་ཚུ་དང་གཅིག་ཁར་ ཞལ་འདྲིས་གནང་ཡོདཔ་བཞིན་དུ་ མི་དབང་མཆོག་དང་གཅིག་ཁར་ མི་དབང་རྒྱལ་ཚབ་མཆོག་ཡང་ བྱོན་གནང་ཡོད་པའི་གནས་ཚུལ།

    གནས་ཚུལ།

    མི་དབང་མཆོག་གིས་ ཁྱིམ་གུང་པ་༣༡ ལུ་ སའི་སྐྱིད་སྡུག་གནང་ཡོདཔ།

    web-king2མི་དབང་མངའ་བདག་རིན་པོ་ཆེ་མཆོག་གིས་ ཇོ་མོ་གཙང་ཁའི་ ཟླ་བ་ཐང་གཡུས་ཚན་གྱི་ གཞིས་གསར་ནང་ གཟིགས་ཞིབ་གནང་པའི་བསྒང་།

    ༉ མི་དབང་མངའ་བདག་རིན་པོ་ཆེ་མཆོག་གིས་ སྤྱི་ཟླ་༦ པའི་ཚེས་༢༣ ལུ་ ཇོ་མོ་གཙང་ཁ་དྲུང་ཁག་འོག་གི་ ཟླ་བ་ཐང་གཡུས་ཚན་ནང་ གཟིགས་སྐོར་གནངམ་དང་འབྲེལ་ གཞི་གསར་ནང་སྡོད་མི་ ཁྱིམ་གུང་པ་༣༡ ལུ་ སའི་སྐྱིད་སྡུག་གནང་ཡོདཔ་ཨིན་པས། སྐྱིད་སྡུག་ཐོབ་མི་ཚུ་གིས་ ཁྱིམ་རྐྱབ་ནིའི་དོན་ལུ་ ས་ཆ་ཐོབ་ཡོདཔ་མ་ཚད་ སྤྱོད་ནིའི་དབང་ཆ་དང་བསྟུན་ སོ་ནམ་གྱི་ ལཱ་འབད་ནིའི་དོན་ལུ་ ས་ཆ་ཐོབ་ཡོདཔ་ཨིན་པས། རྒྱལ་ཡོངས་ས་ཆ་ལྷན་ཚོགས་ཀྱི་དྲུང་ཆེན་ དཔལམོ་ཚེ་དབང་གིས་ བཤད་དོ་བཟུམ་འབད་བ་ཅིན་ སྐྱིད་སྡུག་གི་ས་ཆ་དེ་ དམིགས་བསལ་དུ་ མི་ངོ་ཚུ་གིས་ སོ་ནམ་གྱི་ལཱ་འབད་ནིའི་དོན་ལུ་ཨིན་ཟེར་ཨིནམ་ད་ མི་ཚུ་གིས་ སོ་ནམ་གྱི་ལཱ་འབད་ནིའི་དོན་ལུ་ ལག་ལེན་འཐབ་པ་ཅིན་ སའི་དབང་ཆ་དེ་ ཁོང་རང་ལུ་ར་ ཡོད་ཟེར་ཨིན་པས། དེ་ཡང་ མི་ཚུ་གིས་ ས་ཆ་དེ་ སྟོངམ་སྦེ་མ་བཞག་པར་ ལཱ་འབད་བ་ཅིན་ ས་ཆ་དེ་ནང་ ལཱ་འབད་ནིའི་ བདག་དབང་ཡོད་ཟེར་ཨིན་པས། དེ་འབདཝ་ལས་ ས་ཆ་དེ་ཚུ་ གཏའ་མར་སྦེ་ བཙུགས་མ་ཆོག་པའི་ཁར་ བཙོང་མི་ཆོག་ནི་ཨིན་རུང་ སོ་ནམ་གྱི་ ལཱ་འབད་ནིའི་དོན་ལུ་ཨིན་པ་ཅིན་ རང་གི་བཟའ་ཚང་ཚུ་ལུ་ ཤུལ་བཟུམ་སྦེ་ བྱིན་ཆོག་ནི་ཨིན་པས། དྲུང་ཆེན་གྱིས་ སླབ་མིའི་ནང་ ས་ཆ་བྱིན་མི་དེ་གིས་ སོ་ནམ་གྱི་ ལཱ་འབད་ནིའི་ ས་ཆ་ལངམ་མེད་པའི་ དཀའ་ངལ་བྱུང་མི་དེ་ སེལ་ཚུགས་པའི་ཁར་ འཚོ་བ་རང་འདྲོངས་བཟོ་ནི་ལུ་ཡང་ ལྷན་ཐབས་འབད་ཚུགས་ཟེར་ཨིན་པས། [... Read More]

    གནས་ཚུལ།

    ས་གནས་གཞུང་གི་ བཙག་འཐུའི་དོན་ལུ་ འཆར་དངུལ་བགོ་བཀྲམ།

    ༉ གཞུང་གིས་ རྩིས་ལོ་༢༠༡༦ དང་༢༠༡༧ ལུ་ བཙག་འཐུ་དང་འབྲེལ་བའི་ལས་སྣ་ཚུ་གི་དོན་ལུ་ འབྲུག་གི་བཙག་འཐུ་ལྷན་ཚོགས་ལུ་ དངུལ་ཀྲམ་ས་ཡ་༧༥.༩ དེ་ཅིག་ བགོ་བཀྲམ་འབད་ཡོདཔ་ཨིན་པས། ལོ་བསྟར་འཆར་དངུལ་གསརཔ་གི་ སྙན་ཞུ་དང་འཁྲིལཝ་ད་ དངུལ་ཀྲམ་ས་ཡ་༢༠ དེ་ཅིག་ ས་གནས་གཞུང་གི་ བཙག་འཐུ་དང་ ལས་སྣ་གཞན་ དུས་མིན་བཙག་འཐུ་ དེ་ལས་ འདེམས་ཁོངས་བཅད་མཚམས་ཀྱི་ ལཱ་ཚུ་འབད་ནིའི་དོན་ལུ་ཨིན་པས། ས་གནས་གཞུང་གི་ བཙག་འཐུ་དེ་ཡང་ སྤྱི་ཟླ་༨ པ་དང་ ཡང་ཅིན་ སྤྱི་ཟླ་༩ པའི་ནང་ འགོ་འདྲེན་འཐབ་ནི་བཟུམ་ཅིག་ཡོདཔ་ད་ འབྲུག་གི་བཙག་འཐུ་ལྷན་ཚོགས་ཀྱིས་ ས་གནས་གཞུང་གི་ འདེམས་ཁོངས་བསྐྱར་ཞིབ་འབད་མི་དང་ ཁྱད་ཚད་ཅན་གྱི་ ཚོགས་རྒྱན་བཙུགས་མིའི་ གྱངས་ཁ་ཚུ་ཡང་ གསར་བཏོན་འབད་ཡོདཔ་ཨིན་པས། བཙག་འཐུ་ཚུ་ཡང་ རྒེད་འོག་༡༠ མ་གཏོགས་ ཁྲོམ་སྡེ་གསརཔ་དང་ རྫོང་ཁག་ག་རའི་ནང་ འགོ་འདྲེན་འཐབ་ནི་ཨིནམ་ད་ དེ་ཡང་ བུམ་ཐང་རྫོང་ཁག་ ཆུ་སྨད་རྒེད་འོག་དང་ ཕུན་ཚོགས་གླིང་ དགོན་ཤར་རི་ བསམ་རྩེ་རྫོང་ཁག་ གསང་སྔགས་ཆོས་གླིང་རྒེད་འོག་ དེ་ལས་ རྩི་རང་རྫོང་ཁག་ མཎྜལ་སྒང་རྒེད་འོག་བརྩིས་ཏེ་ རྒེད་འོག་༥ ནང་ འགོ་འདྲེན་འཐབ་ནི་ཨིན་པས། དེ་བཟུམ་སྦེ་ ཆུ་ཁ་རྫོང་ཁག་ བྱག་ཕྱོགས་རྒེད་འོག་དང་ གདུང་ན་ བཀྲིས་སྒང་རྫོང་ཁག་ [... Read More]

    ལམ་སྲོལ།

    ལོ་ངོ་༢༠༠ ལྷགཔ་ཅིག་ལང་མི་ ཝེང་མཁར་སྣག་ཚང་ལྷ་ཁང་གི་ རྒྱབ་ཁུངས།

    ༉ དུས་རབས་༡༧ པའི་ནང་ ཞབས་དྲུང་ངག་དབང་རྣམ་རྒྱལ་མཆོག་གིས་ ཤར་ཕྱོགས་འཁོར་ལོ་རྩིབས་བརྒྱད་ཀྱི་ལྟེ་བ་ གཞི་བཙུགས་ནིའི་དོན་ལུ་ མོང་སྒར་རྫོང་ཁག་ ཝེང་མཁར་གཡུས་ཚན་ནང་ མ་འོངས་ལུང་བསྟན་དང་འཁྲིལ་ སྣག་ཚང་ལྷ་ཁང་ བཞེངས་གནང་ནུག། དེ་ཡང་ གཙོ་བོ་ར་ ཞབས་དྲུང་རིན་པོ་ཆེ་ སྤུ་ན་ཁ་ལུ་ བཞུགས་པའི་སྐབས་ བླམ་རྣམ་སྲས་རྡོ་རྗེ་ལུ་ དབང་ལུང་མན་ངག་ཚུ་གནང་སྟེ་ ཤར་ཕྱོགས་ལུ་ ངེའི་བསྟན་པ་རྒྱས་ནིའི་ ལུང་བསྟན་ཡོདཔ་ལས་ སྙིང་ཁམས་མ་ཆུང་ཟེར་ ལུང་བསྟན་གནང་ཡོདཔ་ཨིན་པས། དེ་བཞིན་དུ་ བླམ་རྣམ་སྲས་རྡོ་རྗེ་གིས་ བུམ་ཐང་ཆོས་འཁོར་སྡེ་བཞི་དང་ གཞོང་སྒར་ཆ་འདུས་ བཀྲ་ཤིང་སྒང་ཚོ་བཅུ་ བཀྲིས་གཡང་རྩེ་ཚོ་ལྔ་ དེ་ལས་ གདུང་བསམ་མདོ་གསུམ་གྱི་རྒྱལཔོ་ཚུ་ ཁོ་གི་མངའ་འོག་ལུ་ བསྡུ་ནིའི་དོན་ལུ་ བུམ་ཐང་བྱ་དཀར་ལས་ འགོ་བཙུགས་ དབུ་མཛད་དམ་ཆོས་རབ་རྒྱས་མཉམ་ དམག་རྐྱབ་སྟེ་ བཀྲིས་སྒང་མེ་རག་ཚུན་ལྷོདཔ་ད་ ག་ར་ དབང་དུ་འདུས་ཚར་ཡོདཔ་ཨིན་པས། དེ་ལས་ ཁོ་རའི་ མངའ་འོག་ལུ་བཙུགས་ཏེ་ ལོག་མོང་སྒར་ཝེང་མཁར་ལུ་ལྷོདཔ་ད་ ཆོས་རྗེ་མི་འགྱུར་བརྟན་པ་གིས་ རྫོང་བཞེངས་པ་ཅིན་ ནམ་ཕུགས་ལུ་ བསྟན་པ་དང་སེམས་ཅན་ལུ་ ཕན་ཐོགས་རྒྱ་ཆེར་འབྱུང་འོང་ཟེར་ གསུངས་ཡོད་རུང་ བླམ་རྣམ་སྲས་རྡོ་རྗེ་གིས་ གསན་མ་བཏུབ་པར་ བཀྲིས་སྒང་ མཁའ་གླིང་བྱི་རི་ཟོར་ལུ་ རྫོང་བཞེངས་ནི་སྦེ་བྱོནམ་ད་ དབུ་མཛད་དམ་ཆོས་རབ་རྒྱས་འཁོར་དང་བཅས་པ་ཚུ་ ཝེང་མཁར་ལུ་བཞག་ནུག། བླམ་རྣམ་སྲས་རྡོ་རྗེ་གིས་ ཤར་ཕྱོགས་ལུང་པའི་ རྒྱལཔོ་ཚུ་དང་ [... Read More]

    གནས་ཚུལ།

    དོན་གཅོད་མཐུན་ལམ་ཡོད་པའི་ རྒྱལ་ཁབ་༥༣ གྱི་ གཞུང་ཚབ་ཡིག་ཚང་ཚུ་ གཞི་བཙུགས་འབད་ནིའི་ འོས་འབབ་བལྟ་དགོཔ།

    web-p8ཕྱི་འབྲེལ་བློན་པོ་ དམ་ཆོས་རྡོ་རྗེ་གིས་ དོན་གཅོད་མཐུན་ལམ་གྱི་གནད་དོན་ཐོག་ གསལ་ཞུ་འབད་བའི་བསྒང་།

    ༉ ཕྱི་འབྲེལ་བློན་པོ་ དམ་ཆོས་རྡོ་རྗེ་གིས་ ཞུ་མིའི་ནང་ འབྲུག་རྒྱལ་ཁབ་ཀྱིས་ རྒྱལ་ཁབ་༥༣ དང་གཅིག་ཁར་ དོན་གཅོད་མཐུན་ལམ་བཟོ་ཡོད་མི་ལུ་ལྟཝ་ད་ འབྲུག་བཟུམ་མའི་ རྒྱལ་ཁབ་ཆུང་ཀུ་ཅིག་ནང་ གཞུང་ཚབ་ཡིག་ཚང་དེ་ཅིག་ གཞི་བཙུགས་འབད་ནིའི་ འོས་འབབ་ཡོད་མེད་ བལྟ་དགོ་ཟེར་ཨིན་པས། དེ་བཟུམ་སྦེ་ རྒྱལ་ཁབ་གཞན་ཚུ་དང་གཅིག་ཁར་ དོན་གཅོད་མཐུན་ལམ་བཟོ་དགོ་ཟེར་ཨིན་རུང་ རྒྱལ་ཁབ་དང་ མཐུན་འབྲེལ་ཡོད་པའི་ རྒྱལ་ཁབ་ཚུ་གིས་ ག་དེ་སྦེ་ ཕན་ཐོགས་འབྱུང་ཚུགས་ནི་ཨིན་ནའི་ ཞིབ་འཚོལ་འབད་དགོ་ཟེར་ བློན་པོ་དམ་ཆོས་རྡོ་རྗེ་གིས་ སྤྱི་ཟླ་༦ པའི་ཚེས་༢༡ ལུ་ ཚོགས་ཁང་ནང་ ཞུ་ཡི། རྒྱལ་ཡོངས་ཚོགས་འདུའི་ དྲི་བཀོད་ལས་རིམ་སྐབས་ བློན་ཆེན་དང་ བློན་པོ་ཚུ་གིས་ ཕྱིའི་རྒྱལ་ཁབ་ཚུ་ནང་ འགྲོ་འགྲུལ་ཚད་འཛིན་དང་འབྲེལ་བའི་ དྲི་བ་ཞུཝ་ད་ སྤ་རོ་ལམ་གོང་ཝང་ལྕང་གི་འཐུས་མི་ མཁའ་འགྲོ་དབང་ཕྱུག་གིས་ ལྷན་ཐབས་ཀྱི་ དྲི་བ་ཞུ་མིའི་ལན་ལུ་ ཕྱི་འབྲེལ་བློན་པོ་གིས་ ཞུ་ཡི། འཐུས་མི་མཁའ་འགྲོ་དབང་ཕྱུག་གིས་ ཞུ་དོ་བཟུམ་འབད་བ་ཅིན་ བློན་པོ་དང་ གཞུང་གི་ འགོ་དཔོན་ཚུ་གིས་ རྒྱལ་སྤྱི་དང་ ལུང་ཕྱོགས་ཞལ་འཛོམས་ཚུ་ནང་ བཅའ་མར་གཏོགས་ཐབས་ལུ་ དོན་གཅོད་མཐུན་འབྲེལ་དེ་ གཙོ་རིམ་དང་པ་ ཨིན་ཟེར་ཨིནམ་ད་ ད་ལྟོ་གཞུང་གིས་ བསྐུལ་བསྒྲགས་སྐབས་ མཐུན་འབྲེལ་སྦོམ་སྦེ་ཡོད་མི་ རྒྱལ་ཁབ་༡ དང་ ཡང་ཅིན་༢ དེ་ཅིག་མ་གཏོགས་ [... Read More]

    གནས་ཚུལ།

    བརྡ་དོན་ཐོབ་དབང་གི་དཔྱད་ཡིག་ བསྣར་འགྱངས་ལུས་ཡོདཔ།

    web-p5མགར་སའི་རྒྱལ་ཡོངས་ཚོགས་སྡེའི་འཐུས་མི་ སངས་རྒྱས་མཁའ་འགྲོ་གིས་ བརྡ་དོན་ཐོབ་དབང་གི་ དཔྱད་ཡིག་སྐོར་ལས་ ཞུ་བའི་བསྒང་།

    ༉ བརྡ་དོན་ཐོབ་དབང་གི་དཔྱད་ཡིག་དེ་ གཞུང་དབུ་བརྙེས་ཏེ་ སྤྱི་ཚོགས་༢ པའི་ཚོགས་ཐེངས་དང་པའི་ནང་ ངོ་སྤྲོད་འབད་ཡོདཔ་མ་ཚད་ ཚོགས་ཐེངས་༢ པའི་ནང་ ཆ་འཇོག་གྲུབ་སྟེ་ རྒྱལ་ཡོངས་ཚོགས་སྡེ་ནང་ བཙུགས་པའི་སྐབས་ ལམ་ལུགས་ཀྱི་ སྟབས་མ་བདེཝ་ དུམ་གྲ་རེ་ ཐོན་མི་ལུ་བརྟེན་ བསྣར་འགྱངས་བཞག་མི་དེ་ ད་ལྟོའི་བར་ན་ཡང་ དེ་སྦེ་ར་ ཡོདཔ་ཨིན་པས། མགར་ས་གི་ རྒྱལ་ཡོངས་ཚོགས་སྡེའི་འཐུས་མི་ སངས་རྒྱས་མཁའ་འགྲོ་གིས་ ཞུ་མིའི་ནང་ བརྡ་དོན་ཐོབ་དབང་གི་ དཔྱད་ཡིག་བཟོ་ཞིནམ་ལས་ སྤྱི་ཚོགས་ནང་ གསུང་གྲོས་གནང་སྟེ་ ཆ་འཇོག་གྲུབ་ཞིནམ་ལས་ རྒྱལ་ཡོངས་ཚོགས་སྡེ་ནང་ གསུང་གྲོས་གནང་ནིའི་དོན་ལུ་ བཙུགས་ནུག་ཟེར་ཨིན་པས། རྒྱལ་ཡོངས་ཚོགས་སྡེ་ནང་ལྷོདཔ་ད་ གསུང་གྲོས་འབྱུང་མ་ཚུགས་པས་ཟེར་ཨིནམ་ད་ དེ་སྦེ་ཨིན་དགོ་མི་དེ་ཡང་ རྩ་ཁྲིམས་དང་བཅའ་ཁྲིམས་འཁྲིལ་ཏེ་ རང་སོའི་ཚོགས་ཁང་གི་ ལམ་ལུགས་དང་ བྱ་བའི་གནད་སྤྱོད་དང་འཁྲིལ་བའི་ ལམ་ལུགས་ཡོདཔ་ལས་བརྟེན་ དང་པ་དེ་དང་མ་འཁྲིལཝ་མ་ཚད་ གཉིས་པ་ བརྡ་དོན་ཕར་ཚུར་སྤྲོད་ནི་གི་ གནས་སྟངས་ཧིང་སངས་ས་ མེདཔ་བཟུམ་ཅིག་སྦེ་ མཇལ་ཡི་ཟེར་ཨིན་པས། ཚོགས་སྡེའི་གྲོས་ཆོད་འབད་བ་ཅིན་ བརྡ་དོན་ཐོབ་དབང་དཔྱད་ཡིག་དེ་ གསུང་གྲོས་གནང་ནི་གི་ འོས་འབབ་ཡོདཔ་ཨིན་རུང་ དུས་ཚོད་མེདཔ་ལས་བརྟེན་ གནང་མ་ཚུགསཔ་ལས་ ལོག་ཕྱིར་འབུད་མཛད་གནང་ཟེར་ ཕུལ་བཏང་སྟེ་ ལོ་༢ ལང་རུང་ དཔྱད་ཡིག་གི་སྐོར་ལས་ གསུང་གྲོས་དང་ གནས་ཚུལ་ག་ཅི་ཡང་ མ་འབྱུང་ཟེར་ཨིན་པས། དེ་སྦེ་ [... Read More]

    གནས་ཚུལ།

    བཟའ་ཚང་ནང་ མི་༢ ཀྱིས་མ་གཏོགས་ མིག་ཏོ་མི་མཐོང་དོ་ཡོདཔ།

    web-blindམིག་གིས་མ་མཐོང་རུང་ བྱ་བ་ལམ་འགྲོས་ཚུ་ ལེགས་ཤོམ་སོང་མི་ ཨམ་གླེ་མོ།

    ༉ ཀྲོང་གསར་ གླང་མཐིལ་རྒེད་འོག་ གཡུང་དྲུང་ཆོས་གླིང་ གཡུས་ཚན་ནང་འགྱོ་སའི་ ལམ་གྱི་རྩ་བར་ ཐོག་ཚད་༡ འབད་མི་ རང་ལུགས་ཀྱི་ཁྱིམ་ཅིག་ནང་ མིག་ཏོ་མ་མཐོང་པའི་ཁར་ ལམ་ཡང་འགྱོ་མ་ཚུགས་མི་ ཨམ་སྲུ་ཅིག་ སྡོད་སར་མཐོངམ་ཨིན་པས། མོ་གི་མིང་ གླེ་མོ་ཟེར་ སླབ་དོ་ཡོདཔ་ད་ མོ་ལུ་ ཨ་ལུ་༥ ཡོད་པའི་གྲས་ལས་༤ སྐྱེས་བའི་བསྒང་ལས་ར་ མོ་ར་བཟུམ་སྦེ་ མིག་གི་དབང་པོ་ལུ་ ཐོ་ཕོག་ཡོདཔ་ཨིན་པས། མོ་རའི་ཨ་ལུ་ཚུ་ དུས་ཚོད་འ་ནེམ་ཅིག་ཁར་ སློབ་གྲྭ་ཚུ་ནང་ འགྱོ་དོ་ཡོདཔ་མ་ཚད་ མོ་རའི་རྨགཔ་ཡང་ གཞན་གྱི་ལཱ་འབད་བར་ འགྱོ་དོ་ཡོདཔ་ལས་ ཁྱིམ་ནང་ མོ་ར་རྐྱངམ་གཅིག་ ལུས་དོ་ཡོདཔ་ཨིན་པས། གླེ་མོ་མོ་ར་ ཨའི་གིས་སྐྱེས་བའི་བསྒང་ལས་ར་ མིག་གིས་ ལེགས་ཤོམ་སྦེ་ མ་མཐོངམ་བཞིན་དུ་ སྤྱི་ལོ་༢༠༠༤ ལུ་ བུམ་ཐང་ལུ་སྦེ་ མིག་ཏོ་གཤག་བཅོས་འབད་རུང་ ཕན་ཐབས་མ་འབྱུང་པས། དེ་གི་ཤུལ་ལས་ སྤྱི་ལོ་༢༠༡༠ ལས་ ལམ་ཡང་འགྱོ་མ་ཚུགསཔ་ ཐལ་སོཔ་ལས་ ད་རེས་ མོ་ར་རྐྱངམ་གཅིག་སྦེ་ ལུས་པའི་སྐབས་ ཐ་ན་ གསང་སྤྱོད་ནང་ འགྱོ་ནིའི་དོན་ལུ་ཡང་ ལཱ་ཁག་རྐྱབ་དོ་ཡོདཔ་ད་ གསང་སྤྱོད་ནང་འགྱོ་བའི་སྐབས་ ལགཔ་༢ ས་ཁར་བཙུགས་ཏེ་ འདྲུད་དགོ་ནི་དེ་གིས་ དཀྱི་ར་ཚུ་ [... Read More]

    གནས་ཚུལ།

    རྒྱལ་ཁབ་ནང་ ལཱ་གཡོག་གི་ ས་སྟོང་ལེ་ཤ་ཡོདཔ།

    ༉ གཞུང་གིས་ ལཱ་གཡོག་གི་ས་སྟོང་༤༤,༨༨༣ བཟོ་ནིའི་ འོས་འབབ་ཡོད་པའི་སྐོར་ལས་ ཁ་ཙ་ ལས་གཡོག་བློན་པོ་ ཉི་མ་སངས་རྒྱས་ཆེན་པོ་གིས་ རྒྱལ་ཡོངས་ཚོགས་འདུ་ནང་ གསལ་ཞུ་འབད་ཡོདཔ་ད་ དེའི་དོན་ལུ་ ད་ལྟོ་ གཞུང་གིས་ ལཱ་ཚུ་འབད་བའི་བསྒང་ཡོད་ཟེར་ཨིན་པས། ཁ་ཙ་ དྲི་བཀོད་ཀྱི་ལས་རིམ་སྐབས་ བཀྲིས་སྒང་ བར་མཚམས་གཤོང་ཕུག་གི་འཐུས་མི་ དབང་འདུས་ནོར་བུ་གིས་ དྲི་བ་ཞུ་མིའི་ནང་ ད་ལྟོའི་ གཞུང་གིས་ བསྐུལ་བསྒྲགས་ཀྱི་སྐབས་ལུ་ འབྲུག་མི་ཚུ་ལུ་ ལཱ་གཡོག་བྱིན་ནི་ཟེར་མི་དེ་ གཞུང་དབུ་བརྙེས་ཏེ་ ལོ་༤ ལང་ནི་འབད་རུང་ ལཱ་གཡོག་གི་ ས་སྟོང་ལངམ་སྦེ་ མེད་པའི་དཀའ་ངལ་ཡོདཔ་ལས་ ཁས་བླངས་ལྟར་དུ་ ལཱ་གཡོག་གི་ས་སྟོང་ ག་དེ་སྦེ་ བཟོ་སྟེ་ཡོདཔ་སྨོ་ཟེར་ཨིན་པས། དེ་ལུ་ ལས་གཡོག་བློན་པོ་གིས་ ད་ལྟོའི་གཞུང་གིས་ འབྲུག་མི་༢༢,༧༩༧ ལུ་ ལཱ་གཡོག་བྱིན་ཡོདཔ་མ་ཚད་ ན་གཞོན་༢༢,༠༤༡ དེ་ཅིག་ ཕྱིའི་རྒྱལ་ཁབ་ཚུ་ནང་ ཕྱིའི་ལཱ་གཡོག་ལས་རིམ་ཐོག་ལས་ བཏང་ཡི་ཟེར་ཨིན་པས། བློན་པོ་གིས་འབད་བ་ཅིན་ འབྲུག་མི་༢,༤༠༠ ཞི་གཡོག་ནང་ བཙུགས་ཡོདཔ་མ་ཚད་༩༠༠ ལྷགཔ་ཅིག་ ལས་འཛིན་ཁག་ཚུ་ནང་དང་༡༢༩ སྒེར་སྡེ་ཚུ་ནང་ བཙུགས་ཡོདཔ་ད་ ད་རུང་ ལས་སྡེ་གཞན་ནང་ བཙུགས་ནིའི་དོན་ལུ་ ལཱ་ཚུ་འབད་བའི་བསྒང་ཡོད་ཟེར་ཨིན་པས། བློན་པོ་གིས་ ཞུ་མིའི་ནང་ [... Read More]

    རྩོམ་སྒྲིག་པའི་སྣང་འཆར།

    སྔོ་སྨན་ཚུ་ ཡུན་བརྟན་བཞག་ནི་ལུ་ བརྩོན་ཤུགས་བསྐྱེད་དགོཔ།

    ༉ རྒྱལ་ཁབ་མཐའ་དབུས་མེད་པར་ གཞི་བཙུགས་འབད་དེ་ཡོད་པའི་ ནང་པའི་སྨན་ཁང་ཚུ་ནང་ ཧེ་མ་དང་ཕྱདཔ་ད་ ནང་པའི་སྨན་བསྟེན་མི་ ནད་པའི་གྱངས་ཁ་དེ་ ལོག་ལྟབ་གསུམ་ལྟབ་ཀྱིས་ ཡར་འཕར་སོང་ཡོད་མི་དེ་ཡང་ གཙོ་བོ་ར་ ནང་པའི་སྨན་གྱིས་ ནད་གཞི་འདྲ་མིན་སྣ་ཚོགས་ལུ་ ཕན་ཐོགས་ཡོད་པའི་ བརྡ་མཚོན་ཅིག་ཨིན་མས། ཨིན་རུང་ ནང་པའི་སྨན་རིགས་ཚུ་ སྔོ་སྨན་ཚུ་ལུ་བརྟེན་ བཟོ་བསྒྱུར་འབད་དགོཔ་ལས་ རང་བཞིན་གྱིས་སྐྱེས་མི་ སྔོ་སྨན་དང་ འཛུགས་སྐྱོང་འབད་དགོ་པའི་ སྔོ་སྨན་ཚུ་ ཚུལ་མཐུན་ལག་ལེན་འཐབ་ནི་དང་ ཡུན་བརྟན་བཞག་ནི་ལུ་ བརྩོན་ཤུགས་བསྐྱེད་དགོཔ་དེ་ཡང་ ཁག་ཆེ་དྲགས་ཅིག་ཨིན་མས། གནད་དོན་འདི་གི་དོན་ལུ་ དུས་ཅི་ གནམ་བྱཱར་གྱི་ རྒྱལ་ཡོངས་སྡེའི་ཚོགས་རིམ་ནང་ ནང་པའི་སྨན་རིགས་ཚུ་ ཡུན་བརྟན་བཞག་ནི་དང་འབྲེལ་ གསོག་འཇོག་འབད་ནིའི་དོན་ལུ་ ཐབས་ལམ་ཚུ་ ལེ་ཤ་ཅིག་ར་ བཏོན་དོ་ཡོད་པའི་གསུང་གྲོས་ཚུ་ ཞིབ་ཞིབ་སྦེ་ར་གནང་ཡི། གསོ་བའི་ལྷན་ཁག་གིས་ སྔོ་སྨན་གྱི་རིགས་ཚུ་ སྐམ་ནི་དང་ བསྡུ་ལེན་འབད་སའི་ ལྟེ་བ་བཟོ་ནིའི་དོན་ལུ་ ཀྲོང་གསར་གླང་མཐིལ་དང་ ཐིམ་ཕུག་གླིང་བཞི་ ངོས་འཛིན་འབད་ཡོདཔ་མ་ཚད་ གླིང་བཞི་ལུ་ གློག་ཤུགས་ཀི་ལོ་ཝཱཊ་༡༠ འབད་མི་ སྔོ་སྨན་སྐམ་ནིའི་ འཕྲུལ་ཁང་ཅིག་ཡང་ གཞི་བཙུགས་འབད་ནུག། སྔོ་སྨན་ཚུ་ ཡུན་བརྟན་བཞག་ནིའི་དོན་ལུ་ དར་དཀར་ལ་དང་ མགར་ས་ བཀྲིས་གཡང་རྩེ་ དེ་ལས་ བུམ་ཐང་ལུ་ ས་ཁོངས་ངོས་འཛིན་འབད་མི་ཚུ་ནང་ མི་སེར་ཚུ་གིས་ [... Read More]

    གནས་ཚུལ།

    ལྕམ་འཁར་ཆུ་གློག་མེ་ལས་འགུལ་ ནམ་འགོ་བཙུགས་ནི་ཨིན་ན་ གཏན་འཁེལ་མེདཔ།

    ༉ ལྕམ་མཁར་ཆུ་ གློག་མེ་ལས་འགུལ་དེ་ ནམ་ལས་འགོ་བཙུགས་ནི་ཨིན་ན་ གཏན་འཁེལ་མེདཔ་ད་ དེ་ཡང་ ཁ་ཙ་ རྒྱལ་ཡོངས་ཚོགས་འདུ་ནང་ གཞལམ་སྒང་ པཱན་སྦང་གི་འཐུས་མི་ རྡོ་རྗེ་དབང་འདུས་ཀྱིས་ གློག་མེ་ལས་འགུལ་གྱི་བཟོ་སྐྲུན་ ནམ་ལས་ འགོ་བཙུགས་ནི་ཨིན་ན་ཟེར་ གཞུང་ལུ་ དྲི་བ་བཀོད་པའི་ལན་ ཁ་གསལ་མེདཔ་ཨིན་པས། འཐུས་མི་གིས་ ཞུ་མིའི་ནང་ ལས་འགུལ་དེ་ འགོ་བཙུགས་དོ་ཟེར་ སྤྱི་ཚོགས་༢ པའི་ཚོགས་ཐེངས་༥ པ་ལས་ར་ གཞུང་གིས་ རྒྱལ་ཡོངས་ཚོགས་འདུ་ནང་ གསལ་ཞུ་འབད་ཡོདཔ་ཨིན་རུང་ ད་ལྟོའི་བར་ན་ཡང་ འགོ་བཙུགས་མ་ཚུགས་པར་ ལུས་མི་དེ་གིས་ ཁེངས་རིགས་རྣམ་གསུམ་གྱི་ མི་སེར་ག་ར་ ཚ་གྱང་ལང་སྟེ་ ཡོད་ཟེར་ཨིན་པས། དེའི་ལན་ལུ་ བསྟན་རྒྱས་བློན་པོ་ ལས་སྐྱིད་རྡོ་རྗེ་གིས་ ལས་འགུལ་དེ་ ནམ་ལས་འགོ་བཙུགས་ནི་ཨིན་ན་ ཁོ་ལོང་ཆུ་གློག་མེ་ལས་འགུལ་གྱི་ གྲུབ་འབྲས་ལུ་ རག་ལས་འོང་ཟེར་ཨིནམ་ད་ དེ་ཡང་ ལྕམ་མཁར་ཆུ་ གློག་མེ་ལས་འགུལ་ཡང་ ཁོ་ལོང་ཆུ་བཟུམ་སྦེ་ འབྲུག་དང་རྒྱ་གར་གཉིས་ཀྱིས་ མཉམ་རུབ་ཐོག་ལས་ མ་དངུལ་བརྒྱ་ཆ་༥༠ བཏོན་ཏེ་ བཟོ་སྐྲུན་འབད་ནི་ཨིནམ་ལས་ དེ་བཟུམ་གྱི་ལས་རིམ་ཐོག་ལས་ ད་ལྟོ་ ཁོ་ལོང་ཆུ་ གློག་མེ་ལས་འགུལ་རྐྱངམ་གཅིག་ བཟོ་སྐྲུན་འབད་བའི་བསྒང་ཡོདཔ་ལས་ ཧེ་མ་ར་ དེའི་གྲུབ་འབྲས་དེ་ ཤེས་དགོཔ་ འདུག་ཟེར་ཨིན་པས། [... Read More]