Dzongkha Kuensel

  • English
  • Monday, January 16th, 2017 - 9:40 PM

    གནས་ཚུལ།

    བློན་ཆེན་གྱིས་ རྒེད་འོག་༢༠༥ ལུ་ བཀོལ་སྤྱོད་སྣུམ་འཁོར་རྩིས་སྤྲོད་གནང་ཡོདཔ།

    ༉ ཁ་ཙ་ ཕུན་ཚོགས་གླིང་ལུ་ འགོ་འདྲེན་འཐབ་མི་ ས་གནས་གཞུང་གི་ ཁྲི་འཛིན་ཚུ་གི་ ཞལ་འཛོམས་ཐེངས་༩ པ་ འགོ་བཙུགས་པའི་སྐབས་ དང་པ་ར་ རྒྱལ་ཁབ་ནང་འཁོད་ཀྱི་ རྒཔོ་༢༠༥ གིས་ རྒེད་འོག་བཀོལ་སྤྱོད་སྣུམ་འཁོར་ཚུ་ ཐོབ་ཡོདཔ་ཨིན་པས། ཞལ་འཛོམས་འགོ་འབྱེད་སྐབས་ བློན་ཆེན་ཚེ་རིང་སྟོབས་རྒྱས་མཆོག་གིས་ གསུངས་མིའི་ནང་ ས་གནས་གཞུང་དང་ དབང་ཚད་ཕྱིར་སྤེལ་ དེ་ལས་ མི་སེར་ཚུ་གི་ དགོས་མཁོ་ལུ་ལྟཝ་ད་ རྒེད་འོག་རེ་ལུ་ བཀོལ་སྤྱོད་སྣུམ་འཁོར་རེ་དགོཔ་ ངེས་བདེན་འདུག་ཟེར་ཨིན་པས། བློན་ཆེན་གྱིས་འབད་བ་ཅིན་ ལོ་ལྔའི་འཆར་གཞི་༡༠ པའི་ནང་ གཞུང་འཁོར་༦༨༨ དང་ འཆར་གཞི་༡༡ པའི་ནང་ གཞུང་འཁོར་༣༣༦ མཁོ་སྒྲུབ་འབད་ཡོད་རུང་ ས་གནས་གཞུང་གི་ ཡིག་ཚང་ཚུ་ལུ་ སྣུམ་འཁོར་མཁོ་སྤྲོད་མ་འབད་བས་ཟེར་ཨིན་པས། བཀོལ་སྤྱོད་སྣུམ་འཁོར་གྱི་སྐོར་ལས་ མི་ཚུ་གིས་ སྐྱོན་བརྗོད་འབད་ཡོད་པའི་སྐོར་ལས་ བློན་ཆེན་གྱིས་ རྒཔོ་ཚུ་ལུ་ གསུངས་པའི་ཁར་ སྣུམ་འཁོར་གྱི་ ལྡེ་མིག་བུ་ཚུ་ རྒཔོ་ཆ་ཁྱབ་ཀྱི་ལག་པར་ མ་ཐོབ་ལས་ར་ མི་ཚུ་གིས་ ཁ་བཏང་མི་ཡོདཔ་ལས་ སྐྱོན་བརྗོད་དང་ ཉོགས་བཤད་མེདཔ་བཟོ་ནི་དེ་ ཁྱེད་ཆ་ཁྱབ་ཀྱི་ འགན་ཁུར་ཨིན་ཟེར་གསུངས་ནུག། བཀོལ་སྤྱོད་སྣུམ་འཁོར་ཚུ་གི་ རྒྱུན་སྐྱོང་ཟད་འགྲོ་དང་ མར་ཁུ་ ཐོ་བཀོད་ ཡིག་ཆ་བསྐྱར་གསོ་ དེ་ལས་ [... Read More]

    གནས་ཚུལ།

    ས་གནས་གཞུང་གི་ འགོ་ཁྲིདཔ་ཚུ་གིས་ གས་རྫས་ལག་ལེན་གྱི་ ཁྲིམས་ལུགས་ཤེས་དགོཔ།

    ༉ འཕྲལ་ཁམས་ཅིག་ཁར་ ལྷུན་རྩེ་རྫོང་ཁག་འོག་གི་ མཁོ་མ་རྒཔོ་ སྲིད་ཐར་ཚེ་རིང་གིས་ རྒེད་འོག་ནང་ སོ་ནམ་ཞིང་ལམ་ སེལ་ནིའི་དོན་ལུ་ གས་རྫས་ལག་ལེན་འཐབ་པའི་སྐབས་ མི་༢ ལུ་ རྨ་སྐྱོན་བྱུང་མི་དེ་གིས་ ས་གནས་གཞུང་གི་ འགོ་ཁྲིདཔ་ཚུ་ལུ་ དྲན་གསལ་འབད་ཡོདཔ་ཨིན་པས། ས་གནས་གཞུང་གི་ འགོ་ཁྲིདཔ་མང་ཤོས་ཅིག་ གསརཔ་ཨིན་པའི་ཁར་ ཧེ་མ་ ཉམས་མྱོང་མེད་མི་ཚུ་ཨིནམ་ལས་ མང་ཤོས་ཅིག་གིས་ གས་རྫས་ལག་ལེན་དང་འབྲེལ་བའི་ ཁྲིམས་ལུགས་ཚུ་ མི་ཤེས་དོ་ཡོདཔ་ཨིན་པས། རྒཔོ་སྲིད་ཐར་ཚེ་རིང་དེ་ ན་ཧིང་ སྤྱི་ཟླ་༩ པའི་ནང་ མཁོ་མ་རྒཔོ་སྦེ་ ཐེངས་༢ པ་ བཙག་འཐུ་འབད་ཡོདཔ་ད་ ཁོ་གིས་ སླབ་དོ་བཟུམ་འབད་བ་ཅིན་ མཁོ་མ་གདུང་གི་དོན་ལུ་ སེལ་བའི་བསྒང་ཡོད་མི་ སོ་ནམ་ཞིང་ལམ་གྱི་དོན་ལུ་ ལམ་ལུགས་དང་འཁྲིལ་ གས་རྫས་མཁོ་སྒྲུབ་འབད་ཡོད་པའི་ ལྷག་ལུས་ཚུ་ རྒེད་འོག་ནང་ བཞག་ཅི་ཟེར་ཨིན་པས། རྒཔོ་གིས་ འདས་པའི་དྲི་བཀོད་སྐབས་ རྒེད་འོག་བདག་སྐྱོང་གིས་ གས་རྫས་ལྷག་ལུས་ཚུ་ མི་སྡེའི་ཕན་ཐབས་ལུ་ ལག་ལེན་འཐབ་མ་ཆོག་པའི་ ཁྲིམས་ལུགས་ཡོད་པའི་སྐོར་ལས་ མ་ཤེས་ཟེར་ཨིན་པས། ཁོ་གིས་འབད་བ་ཅིན་ ཁོ་ར་རྒཔོ་སྦེ་ སྡོད་པའི་རིང་ མི་ག་གིས་ཡང་ རྒེད་འོག་གི་གནས་ཚད་ནང་ གས་རྫས་ལྷག་ལུས་ཚུ་ ལག་ལེན་འཐབ་མ་ཆོག་པའི་སྐོར་ལས་ གོ་བརྡ་སྤྲོད་པར་ མ་འོང་ཟེར་ཨིནམ་ད་ རྒཔོ་གཞན་ཚུ་གིས་ཡང་ [... Read More]

    གནས་ཚུལ།

    འབྲུག་པའི་ཨ་ལུ་ཚུ་ ལུས་རྩལ་ནང་ ལྕོགས་གྲུབ་ཡོདཔ།

    ༉ འབྲུག་རྒྱལ་ཁབ་ ས་ཁ་མཐོ་ས་གུ་ ཆགས་ཡོད་པའི་ཁར་ རང་བཞིན་གནས་སྟངས་ ལེགས་ཤོམ་ཡོདཔ་ལས་ ལུས་རྩལ་དོན་ལུ་ འོས་འབབ་འདུག་ཟེར་ཨིན་པས། དེ་ཡང་ ཁ་ཙ་ ཇ་པཱན་ལས་ཨིན་མི་ རྒྱལ་སྤྱི་ཨོ་ལོམ་པིག་ཚོགས་པའི་ ལུས་རྩལ་ཚོགས་སྡེའི་ཁྲི་འཛིན་ ནའུ་ཀོ་ཏའི་ཀ་ཤི་གིས་ ད་རེས་ནངས་པ་ ཐིམ་ཕུག་ལུ་སྦེ་ གནམ་དགུན་གྱི་ ལུས་རྩལ་སྦྱང་བ་འབད་བའི་བསྒང་ཡོད་མི་ ན་གཞོན་ཚུ་ལུ་ བཤད་ཅི། མོ་གིས་འབད་བ་ཅིན་ བང་རྒྱུག་གི་ ལུས་རྩལ་འབདཝ་ད་ རླུང་མ་དེ་ བསིལ་དྲོད་དང་ལྡན་ཏོག་ཏོ་དགོཔ་ལས་ ན་གཞོན་ཚུ་གིས་ བང་རྒྱུག་ནིའི་རིགས་ ག་ཅི་ནང་འབད་རུང་ འབད་ཚུགས་ནི་མས་ཟེར་ཨིན་པས། སྤྱི་ལོ་༢༠༠༠ ལུ་ སིཌ་ནི་ལུ་སྦེ་ ཨོ་ལོམ་པིག་རྩེད་རིགས་འགྲན་བསྡུར་ནང་ ཨམ་སྲུའི་ བང་རྒྱུག་ནང་ མོ་གིས་ དྲག་ཤོས་ཐོན་ཏེ་ གསེར་གྱི་རྟགས་མ་ཐོབ་པའི་ཤུལ་ལས་ ཁྱད་འཕགས་ཀྱི་ གཟེངས་བསྟོད་རྟགས་མ་ཅིག་ཡང་ ཐོབ་ནུག། མ་གཞི་ མོ་ར་ ཇ་པཱན་ ཊོ་ཀེ་འོ་རྒྱང་བསྒྲགས་ལས་ཁང་ནང་ རྩེད་རིགས་ཀྱི་ གནས་ཚུལ་བསྡུ་ལེན་པ་སྦེ་ ལཱ་འབད་དོ་ཡོདཔ་ད་ མོ་གིས་ ཇ་པཱན་རྒྱལ་ཁབ་ཀྱིས་ མ་དོ་བར་ གོང་འཕེལ་འགྱོ་བའི་ རྒྱལ་ཁབ་གཞན་ཚུ་ནང་ཡང་ རྩེད་རིགས་ཡར་དྲག་གཏང་ནི་ལུ་ བརྩོན་ཤུགས་བསྐྱེད་དོ་ཡོདཔ་ཨིན་པས། མོ་གིས་འབད་བ་ཅིན་ ད་རེས་ ན་གཞོན་ཚུ་གིས་ ལུས་རྩལ་གྱི་ སྦྱང་བ་འབད་མི་ལུ་ལྟཝ་ད་ [... Read More]

    གནས་ཚུལ།

    བསམ་རྩེ་ཁྲོམ་ཁར་ སྒྲིང་ཁྱིམ་བཟོ་སྐྲུན་གྱི་ལཱ་ཚུ་ འགོ་བཙུགས་ཡོདཔ།

    ༉ བསམ་རྩེ་ཁྲོམ་ ཡར་རྒྱས་གཏང་ནིའི་དོན་ལུ་ བཟོ་སྐྲུན་ཚུ་འབད་དོ་ཡོད་རུང་ ད་ལྟོ་ སྒྲིང་ཁྱིམ་༢ ལས་བརྒལ་ རྐྱབ་མ་ཚར་བར་ ཡོདཔ་ཨིན་པས། བསམ་རྩེ་ཁྲོམ་སྡེ་གིས་ སའི་ཇོ་བདག་ཚུ་ལུ་ བཟོ་སྐྲུན་གྱི་ལཱ་ཚུ་ གང་མགྱོགས་འབད་དགོཔ་སྦེ་ སླབ་ཡོདཔ་མ་ཚད་ ཇོ་བདག་ཚུ་གིས་ རང་སོའི་སྒྲིང་ཁྱིམ་ཚུ་ བཟོ་སྐྲུན་འབད་མ་ཚར་བའི་ཧེ་མར་ ཁྱིམ་གྱི་སྦུག་ནང་ལས་ཕར་ མི་འགྱོ་སའི་ ས་གོ་ཚུ་ བཟོ་མ་ཆོགཔ་སྦེ་ སླབ་ཡོདཔ་ཨིན་པས། ཁྲོམ་སྡེའི་ བཟོ་རིག་འགོ་དཔོན་ བསྟན་འཛིན་འབྲུག་པ་གིས་ སླབ་མིའི་ནང་ ད་ལྟོ་ཚུན་ སྒྲིང་ཁྱིམ་རྐྱབ་ནིའི་དོན་ལུ་ མི་ངོམ་༣ གྱིས་མ་གཏོགས་ གཞན་ཚུ་ལས་ ཡིག་ཆ་མ་ལྷོད་ཟེར་ཨིནམ་ད་ ཡིག་ཆ་ཚུ་ ཆ་འཇོག་འགྲུབ་ནིའི་དོན་ལས་ ཞབས་ཏོག་ལྷན་ཁག་ལུ་ བཏང་ཡི་ཟེར་ཨིན་པས། ཁོ་གིས་འབད་བ་ཅིན་ སའི་ཇོ་བདག་ཚུ་ལུ་ སྟབས་མ་བདེཝ་ཚུ་ཡོདཔ་ལས་ བང་བཙོང་སྟེ་ སྒྲིང་ཁྱིམ་རྐྱབ་ཟེར་ སླབ་དགོ་པའི་ ས་གོ་ཅིག་ མ་མཐོང་ཟེར་ཨིནམ་ད་ ས་ཚན་༣༧ ལུ་ ཁྱིམ་རྐྱབ་ནིའི་དོན་ལས་ གནང་བ་བྱིན་ཏེ་ ཡོདཔ་ཨིན་པས། འཕྲལ་ཁམས་ཅིག་ཁར་ ཁྲོམ་སྡེ་ཡིག་ཚང་གིས་ བཙོག་གཡུར་བཟོ་སྐྲུན་འབད་ནིའི་ རིན་བསྡུར་ཚུ་ཡང་ འབད་ཡོདཔ་ད་ ལས་སྣ་གཞན་ཚུ་ ད་ལྟོ་ འབད་བའི་བསྒང་ཡོདཔ་ཨིན་པས། བསམ་རྩེ་ཁྲོམ་དེ་ སྤྱི་ལོ་༡༩༦༠ ལུ་ [... Read More]

    གནས་ཚུལ།

    ལ་ཡ་ལུ་ དུས་ཡུན་ཟླཝ་༡༥ ནང་ འཁོར་ལམ་ལྷོད་ཚུགས་པའི་རེ་བ།

    ༉ དུས་ཡུན་ཟླ་ངོ་༡༥ དེ་ཅིག་གི་རྒྱབ་ལས་ ས་ཁ་མཐོ་སའི་ས་གནས་ ལ་ཡ་གི་ ཉེ་འདབས་ལུ་ སྣུམ་འཁོར་ཚུ་ མཐོང་གསལ་འབྱུང་ནི་ཨིན་པས། དེ་ཡང་ མགར་ས་ལས་ ལ་ཡ་ལུ་ ཞིང་ལམ་ཀི་ལོ་མི་ཊར་༦ སེལ་མ་ཚར་བར་ ལུས་ཡོད་མི་དེ་ འཕྲལ་ཁམས་ཅིག་ཁར་ ལཱ་འགོ་བཙུགས་ཡོདཔ་བཞིན་དུ་ དུས་ཡུན་ཟླ་ངོ་༡༥ གི་ ནང་འཁོད་ལུ་ སེལ་ཚུགས་པའི་ རེ་བ་ཡོདཔ་ཨིན་པས། དེ་འབདཝ་ད་ གནམ་གཤིས་གནས་སྟངས་ཀྱིས་ བར་ཆད་མ་རྐྱབ་པ་ཅིན་རྐྱངམ་ཅིག་ དུས་ཡུན་དེ་གི་ ནང་འཁོད་ལུ་ སེལ་ཚར་ནི་ཨིན་པས། ཀི་ལོ་མི་ཊར་༢༦ འབད་མི་ ཞིང་ལམ་དེ་ མཐོང་ཇོ་ཁ་ཟེར་སར་ཚུན་ སེལ་ཡོདཔ་ད་ མཐོང་ཇོ་ཁ་དེ་ མགར་ས་ལས་ ལ་ཡ་ལུ་ ལམ་འགྲུལ་འབད་མི་ཚུ་ ཞག་དང་པ་སྡོད་སའི་ས་གནས་ ཀོའི་ན་ལས་ དུས་ཡུན་ཆུ་ཚོད་༡ དེ་ཅིག་ ལམ་འགྱོ་དགོ་པའི་ས་ཁར་ཨིན་པས། ཞིང་ལམ་དེ་ སྟོང་ཆུ་བྲག་ཚུན་ཚོད་ སེལ་ནི་ཨིནམ་ལས་ དེ་ཁ་ལས་ ལ་ཡ་ལུ་ དུས་ཡུན་ཆུ་ཚོད་༤ དེ་ཅིག་ ལམ་འགྱོ་དགོཔ་ཨིན་པས། མ་དངུལ་ས་ཡ་༧༠ འབད་མི་ ཞིང་ལམ་དེ་ སྤྱི་ལོ་༢༠༡༢ ལུ་ ལོ་ཕྱེད་བསྐྱར་ཞིབ་ཞལ་འཛོམས་ནང་ བློན་ཆེན་བགྲེསཔ་གིས་ གནང་བ་གྲུབ་པའི་ཤུལ་ལས་ རྩིས་ལོ་༢༠༡༢-༡༣ ལུ་སེལ་ནི་ འགོ་བཙུགས་ཡོདཔ་ད་ [... Read More]

    གནས་ཚུལ།

    རྒེད་འོག་ལྟེ་བའི་ འཁོར་ལམ་ཚུ་ལུ་ ས་གཏེར་དང་ རྡོ་གཏེར་བཏོན་ནིའི་དོན་ལུ་མེནམ།

    ༉ པདྨ་དགའ་ཚལ་ གདུང་མིན་དང་ ནོར་བུ་སྒང་རྒེད་འོག་ལྟེ་བའི་ འཁོར་ལམ་ཚུ་ རྩི་ནག་བཏང་སྟེ་ ལོ་མ་ལངམ་ལས་ར་ མེདཔ་ཐལ་མི་དེ་ ཚ་གྱང་ལང་དགོ་པའི་ གཞི་གནད་ཅིག་ཨིན་མས་ཟེར་ བློན་ཆེན་ཚེ་རིང་སྟོབས་རྒྱས་མཆོག་གིས་ གསུངས་ཡི། ནོར་བུ་སྒང་རྒེད་འོག་གི་ མི་སེར་ཚུ་ལུ་ བློན་ཆེན་མཆོག་གིས་ གསུངས་མིའི་ནང་ གྲོང་གསེབ་ཀྱི་མི་སེར་ཚུ་ གོང་འཕེལ་གཏང་ནི་ལུ་དམིགས་ཏེ་ གཞུང་གིས་ གློག་མེ་དང་ གློག་ཐག་ར་བ་ སོ་ནམ་ཚོང་ཁང་ སྒོ་ནོར་ སོ་ནམ་རྒྱ་བསྐྱེད་ལས་རོགསཔ་ དངུལ་ཁང་ དེ་ལས་ གྲོང་གསེབ་ཚོང་ལས་གོང་འཕེལ་ལས་འཛིན་ཚུ་ གཞི་བཙུགས་གནང་བའི་ཁར་ ངེས་པར་དུ་མཁོ་བའི་ རྒེད་འོག་ལྟེ་བའི་འཁོར་ལམ་ཚུ་ཡང་ རྩི་ནག་བཏང་བྱིན་དོ་ཟེར་ཨིན་པས། གདུང་མིན་ལས་ དུ་རུང་བའི་ཚུན་ རྒེད་འོག་ལྟེ་བའི་ འཁོར་ལམ་གསརཔ་བཏོན་མི་དང་ ངང་ལམ་དྲུང་ཁག་ལས་ ནོར་བུ་སྒང་རྒེད་འོག་ཚུན་གྱི་ འཁོར་ལམ་རྩི་ནག་བཏང་སྟེ་ ལོ་༡ ཡང་ མ་ལངམ་ལས་ མེདཔ་ཐལ་མི་དེ་ ཁག་འབགཔ་དང་ ལམ་སེལ་ལས་ཁུངས་ཀྱིས་ འཐུས་ཤོར་ཡོདཔ་ཨིན་ན་ ཡང་ཅིན་ སྣུམ་འཁོར་ཊཱག་ཚུ་གིས་ ཚད་ལས་བརྒལ་བའི་ དོ་འབགཔ་ཡོདཔ་ཨིན་ན་ དེའི་སྐོར་ལས་ ཞབས་ཏོག་བློན་པོ་གིས་ ལམ་སེལ་ལས་ཁུངས་དང་གཅིག་ཁར་ ཞིབ་དཔྱད་འབད་དགོཔ་སྦེ་ བློན་ཆེན་གྱིས་ བཀའ་གནང་ཡི། པཱན་སྦང་དང་ ངང་ལམ་དྲུང་ཁག་གི་ འཁོར་ལམ་དང་ བདེན་མཆིས་དང་ གདུང་མིན་བར་ནའི་ [... Read More]

    རྩོམ་སྒྲིག་པའི་སྣང་འཆར།

    བཀོལ་སྤྱོད་སྣུམ་འཁོར་ཚུ་ལུ་བརྟེན་པའི་ རྒྱུན་སྐྱོང་ཟད་འགྲོ་ཡར་འཕར་འགྱོ་ནི།

    ༉ འཁོར་ལམ་གྱི་ མཐུད་སྦྲེལ་ཡོད་མི་ རྫོང་ཁག་༢༠ འི་རྒེད་འོག་༢༠༥ གི་རྒཔོ་ཚུ་ སྤྱི་ཟླ་༡ པའི་ཚེས་༡༩ ལས་ རང་སོའི་རྒེད་འོག་ནང་ ལོག་འགྱོཝ་ད་ དགའ་འཛུམ་དང་བཅསཔ་སྦེ་ འགྱོ་ནི་ཨིན་མས། དེ་ཡང་ ཁ་ཙ་ ཕུན་ཚོགས་གླིང་ལུ་ ས་གནས་གཞུང་གི་ ཁྲི་འཛིན་ཚུ་གི་ ཞལ་འཛོམས་ཐེངས་༩ པ་ འགོ་འབྱེད་འབདཝ་དང་འབྲེལ་ བློན་ཆེན་ཚེ་རིང་སྟོབས་རྒྱས་མཆོག་གིས་ རྒཔོ་ཚུ་ལུ་ བཀོལ་སྤྱོད་སྣུམ་འཁོར་བོ་ལེ་རོ་རེ་ རྩིས་སྤྲོད་གནང་ཡོདཔ་བཞིན་དུ་ ཞལ་འཛོམས་མཇུག་བསྡུ་བའི་ཤུལ་ལུ་ རྒཔོ་ཚུ་རང་སོའི་ས་གོ་ནང་ ལོག་འགྱོ་བའི་སྐབས་ བཀོལ་སྤྱོད་སྣུམ་འཁོར་དེ་ཚུ་ ཁོང་རའི་སྒྲིག་གཡོག་གི་ གཞུང་འཁོར་སྦེ་ བདའ་འགྱོ་ནི་ཨིན་མས། འདི་བཟུམ་མའི་ མཐུན་རྐྱེན་ཐོབ་མི་ལུ་བརྟེན་ ས་གནས་གཞུང་གི་ འཐུས་མི་ཚུ་ལུ་ དཔའ་ཉམས་བསྐྱེད་དགོ་པའི་ འོས་ཁུངས་སྦོམ་ཡོད་མི་དེ་ཡང་ དམངས་གཙོའི་རིང་ལུགས་ནང་ ང་བཅས་ཀྱི་ ས་གནས་གཞུང་ཚུ་ གཞུང་གི་གནས་རིམ་ དམའ་ཤོས་ཨིན་རུང་ མི་སེར་ཚུ་དང་ ཐག་ཉེ་ཤོས་དང་ འབྲེལ་བ་དམ་ཟབ་འཐབ་ས་ཅིག་ཨིནམ་ལས་ གཞུང་གི་གནས་རིམ་ གལ་ཆེ་ཤོས་ཅིག་འབད་ནི་དེ་གིས་ཨིན། བཀོལ་སྤྱོད་སྣུམ་འཁོར་ལུ་བརྟེན་ རྒེད་འོག་བདག་སྐྱོང་དང་འབྲེལ་བའི་ ལས་སྣ་ཚུ་ དུས་ཚོད་ཁར་ ཕན་ནུས་ཅན་སྦེ་ འབད་ཚུགས་ནི་དང་ རྫོང་ཁག་ལྟེ་བ་ནང་ གློ་བུར་དུ་ འགྱོ་དགོཔ་འཐོན་རུང་ དེ་འཕྲོ་ལས་ འགྱོ་ཚུགས་ནི་ཨིན་མས། དེ་གིས་མ་དོ་བར་ [... Read More]

    གནས་ཚུལ།

    ཤེ་ཏི་ཁ་རི་ལུ་ ཆུ་བྱག་རྐྱབ་ནིའི་ལཱ་ཚུ་ འཕྲལ་མགྱོགས་ར་ འགོ་བཙུགས་ནི།

    ༉ དགེ་ལེགས་ཕུག་ ཤེ་ཏི་ཁ་རི་ལུ་ ཆུ་རུད་བཀག་ནིའི་དོན་ལས་ ཆུ་བྱག་རྐྱབ་ནིའི་ལཱ་ཚུ་ ཤུལ་མའི་ བདུན་ཕྲག་ནང་ལས་ འགོ་བཙུགས་ནི་ཨིན་པས། དེ་ཡང་ ཤེ་ཏི་ཁ་རི་ལུ་ ལོ་བསྟར་བཞིན་དུ་ ཆུ་རུད་ཐོན་མི་དེ་གིས་ སྣུམ་འཁོར་ལམ་ མེདཔ་བཏངམ་མ་ཚད་ ན་ཧིང་གི་ལོ་ནང་ ཟམ་ཆུང་ཀུ་ཅིག་ཡོད་མི་དེ་ཡང་ ཆུ་རུད་ཀྱིས་ འཕྱགས་བདའ་ཡོདཔ་ཨིན་པས། དགེ་ལེགས་ཕུག་དྲུང་ཁག་གི་ བཟོ་རིག་འགོ་དཔོན་ ཀུན་ལེགས་ཀྱིས་ བཤད་དོ་བཟུམ་འབད་བ་ཅིན་ ཆུ་བྱག་རྐྱབ་ནིའི་དོན་ལུ་ རིན་བསྡུར་གྱི་ཐོག་ལས་ ཟླཝ་༡ གི་ཧེ་མར་ ལཱ་ཚུ་ བགོ་བཀྲམ་འབད་ཚར་ཏེ་ཡོད་ཟེར་ཨིན་པས། ཁོ་གིས་འབད་བ་ཅིན་ ཆུ་བྱག་རྐྱབ་ནིའི་ལཱ་ཚུ་ གནམ་བྱཱར་མ་ཐོནམ་ལས་ མཇུག་བསྡུ་ཚུགས་པའི་ རེ་བ་ཡོད་ཟེར་ཨིན་པས། ས་གནས་ཀྱི་ མི་སེར་ཚུ་གིས་ སླབ་དོ་བཟུམ་འབད་བ་ཅིན་ ཆུ་རུད་བཀག་ནིའི་ལཱ་ཚུ་ འགོ་བཙུགས་ནི་ཨིན་ཟེར་ གོ་ཡོདཔ་ཨིན་རུང་ ད་ལྟོ་ཡང་ ལཱ་ཚུ་ འགོ་མ་བཙུགས་པར་ཡོདཔ་ལས་ དུས་ཚོད་ཁར་ ག་དེ་སྦེ་ མཇུག་བསྡུ་ཚུགས་འོང་ག་ ཚ་གྱང་ལངམ་མས་ཟེར་ཨིན་པས། དགེ་ལེགས་ཕུག་གི་ རྒཔོ་ ཨྱོན་དབང་ཕྱུག་གིས་ བཤད་མིའི་ནང་ ཆུ་བྱག་རྐྱབ་ནིའི་ལཱ་ཚུ་ འཆར་གཞི་དང་འཁྲིལ་ཏེ་ བགོ་བཀྲམ་འབད་ཡོདཔ་ལས་ མི་སེར་ཚུ་ ཚ་གྱང་ལང་དགོཔ་མེད་ཟེར་ཨིན་པས། ཁོ་གིས་འབད་བ་ཅིན་ ལཱ་དེ་ ཁག་འབགཔ་༡ ལུ་ སྤྲོད་སྤྲོདཔ་ཨིན་པ་ཅིན་ [... Read More]

    གནས་ཚུལ།

    བེང་ཀོག་ལུ་ སྨྱོ་རྫས་ནག་ཚོང་འཐབ་ནིའི་ དཔའ་བཅམ་མི་རྩོད་བཤེར་ ཧ་ལམ་ མཇུག་བསྡུ་ཡོདཔ།

    ༉ ན་ཧིང་ སྤྱི་ཟླ་༤ པ་དེ་ཅིག་ཁར་ འབྲུག་པའི་ཕོ་སྐྱེས་ཅིག་ བེང་ཀོག་ལུ་ སྨྱོ་རྫས་ནག་ཚོང་འཐབ་ནིའི་ དཔའ་བཅམ་པའི་སྐབས་ ཤི་རྐྱེན་བྱུང་ཡོད་པའི་གནད་དོན་ནང་ འབྲེལ་བ་ཡོད་པའི་ འབྲུག་མི་༤ གི་རྩོད་བཤེར་ཐོག་ ཆེ་མཐོའི་ཁྲིམས་འདུན་གྱིས་ སྙན་གསན་ཚུ་ ཧ་ལམ་ མཇུག་བསྡུ་ཡོདཔ་ཨིན་པས། ཆེ་མཐོ་ཁྲིམས་འདུན་གྱི་ དྲང་དཔོན་གྱིས་ བཤད་དོ་བཟུམ་འབད་བ་ཅིན་ གནད་དོན་དེ་ནང་ འབྲེལ་བ་ཡོད་མི་ ཨམ་སྲུ་༢ དང་ ཕོ་སྐྱེས་༢ ལུ་ འབྲུག་གི་ཉེས་འགེལ་ཁྲིམས་དེབ་ཀྱི་ དོན་ཚན་༡༤༠ པའི་ དོན་ཚན་དང་པ་དང་འཁྲིལ་ དབྱེ་རིམ་དང་པའི་ ཉེས་ཁྲིམས་སྨིན་དགོ་པའི་ ཉེས་འཛུགས་འབད་དེ་ ཡོད་ཟེར་ཨིན་པས། གནས་ཚུལ་བཤད་མི་ཚུ་དང་འཁྲིལཝ་ད་ རྩོད་བཤེར་དེ་གི་ གྲུབ་འབྲས་སྙན་གསན་ མཇུག་བསྡུ་ཡོདཔ་ལས་ བདེན་དཔྱད་ཀྱི་དོན་ལུ་ ཞིབ་དཔྱད་ལོགས་སུ་ འབད་དགོཔ་ཡོད་ན་མ་གཏོགས་ སྙན་གསན་གཞན་ འབད་དགོཔ་མེད་ཟེར་ཨིན་པས། འབྲུག་གི་ཉེས་འགེལ་ཁྲིམས་དེབ་དང་འཁྲིལཝ་ད་ དབྱེ་རིམ་དང་པའི་ཉེས་ཁྲིམས་དེ་ ཉུང་ཤོས་ལོ་ངོ་༡༥ དང་ ཡང་ཅིན་ ཚེ་བཙོན་སྨིན་དགོཔ་སྦེ་ ཡོདཔ་ཨིན་པས། རྐྱེན་ངན་དེ་ཡང་ ན་ཧིང་ སྤྱི་ཟླ་༤ པའི་ཚེས་༣ ལུ་ བེང་ཀོག་གི་ས་གནས་ ཀོ་ལོང་ ཨོང་ཟེར་སའི་ ས་ཁོངས་ནང་གི་ གཡུར་བ་ནང་ལས་ སྐྱེས་ལོ་༤༦ [... Read More]

    གནས་ཚུལ།

    རང་མགོ་རང་འདྲོངས་དོན་ལུ་ སོ་ནམ་དང་ སྒོ་ནོར་ལུ་ བརྩོན་ཤུགས་བསྐྱེད་དགོཔ།

    ༉ ཁ་ཙ་ དར་དཀར་ནང་ བཀྲིས་སྡིངས་རྒེད་འོག་ནང་ སོ་ནམ་དང་ནགས་ཚལ་བློན་པོ་གིས་ གཟིགས་སྐོར་གནང་པའི་སྐབས་ མི་སེར་ཚུ་གི་ འཚོ་བའི་གནས་སྟངས་ ཡར་དྲག་གཏང་ནིའི་དོན་ལུ་ སོ་ནམ་དང་ སྒོ་ནོར་གྱི་ལཱ་འབད་ནི་དེ་ ཁག་ཆེ་བའི་སྐོར་ལས་ གསལ་བཤད་འབད་ཡི། སོ་ནམ་དང་ནགས་ཚལ་བློན་པོ་ ཡེ་ཤེས་རྡོ་རྗེ་གིས་ བཤད་དོ་བཟུམ་འབད་བ་ཅིན་ མི་སེར་ཚུ་ རང་མགོ་རང་འདྲོངས་སྦེ་ སྡོད་ཐབས་ལུ་ སོ་ནམ་དང་ སྒོ་ནོར་གྱི་ ལཱ་འབད་ནི་ལུ་ བརྩོན་ཤུགས་བསྐྱེད་པ་ཅིན་ ཕན་ཐོགས་སྦོམ་ཡོད་ཟེར་ཨིན་པས། གཞུང་གི་ཁ་ཐུག་ལས་འབད་རུང་ སོ་ནམ་པ་ཚུ་ལུ་ རིན་མེད་སྟོང་པར་སྦེ་ སོན་དང་ སྔོ་ལྗང་གྱིབ་ཤོག་ འཕྲུལ་གླང་པ་ཝར་ཊི་ལར་ དེ་ལས་ སོ་ནམ་གྱི་ལག་ཆས་ཚུ་ བྱིན་དགོ་མི་དེ་ གཙོ་བོ་ར་ མི་སེར་ཚུ་གིས་ སོ་ནམ་གྱི་ ལཱ་ལུ་ བརྩོན་ཤུགས་བསྐྱེད་དེ་ རོགས་ལུ་རེ་མ་དགོ་པར་ རང་གིས་ རང་ལངམ་སྦེ་ བཟོ་ཐབས་ལུ་ ཨིན་ཟེར་ཨིན་པས། དེ་སྦེ་ གཞུང་གི་ཁ་ཐུག་ལས་ རིན་མེད་སྟོང་པར་སྦེ་ བྱིན་དགོ་མི་དེ་ཡང་ ཤུལ་ལས་ སོ་ནམ་གྱི་ ཐོན་སྐྱེད་ཚུ་ གཞུང་དགོ་ནིའི་དོན་ལུ་མེན་པར་ མི་སེར་ཁོང་ར་ལུ་ ཕན་ཐོགས་འབྱུང་ཐབས་ཀྱི་དོན་ལུ་ ཨིན་ཟེར་བཤད་ཅི། གཞུང་གི་ཁ་ཐུག་ལས་ གྲོགས་རམ་གནང་མི་དེ་ མི་སེར་ཚུ་གིས་ ལག་ལེན་ལེགས་ཤོམ་འཐབ་སྟེ་ སོ་ནམ་གྱི་ཐོན་སྐྱེད་ཚུ་ ཡར་དྲག་བཏང་པ་གིས་མ་ཚད་ [... Read More]