Dzongkha Kuensel

  • English
  • Tuesday, February 28th, 2017 - 5:24 AM

    གནས་ཚུལ།

    མེ་ཕོ་སྤྲེལ་ལོ་འདི་ དགའ་སྟོན་བརྩི་སྲུང་ལྡན་པའི་ དམིགས་བསལ་གྱི་ལོ་སྦེ་ རྗེས་སུ་དྲན་ནི།

    གནམ་ལོ་མེ་ཕོ་སྤྲེལ་ལོའི་ བྱུང་རིམ་ཚུ་ལུ་ རྒྱབ་ལོག་བལྟཝ་ད་ རྒྱལ་ཁབ་ནང་ རྒྱལ་བློན་འབངས་གསུམ་ལུ་ དགའ་སྤྲོ་ཚད་མེད་བྱུང་ཡོདཔ་ཨིན། ༉ ད་ལས་ཕར་ ང་བཅས་ཀྱིས་ འབྲུག་གི་རྒྱལ་རབས་ཀྱི་ ཤོག་ལྷེ་ཚུ་ལྷོགཔ་ད་ འབྲུག་མི་ཚུ་གིས་ སྤྱི་ལོ་༢༠༡༦ འདི་ སྔོན་ཆ་མ་བྱུང་བའི་ རྟེན་འབྲེལ་ཁྱད་པར་ཅན་གྱི་ ལོ་ཅིག་སྦེ་ རྗེས་སུ་དྲན་ནི་ཨིན་མི་དེ་ཡང་ རྒྱལ་བློན་འབངས་གསུམ་གྱི་ ཐུགས་དགོངས་དང་ བསམ་དོན་ཚུ་ གྲུབ་ཡོད་པའི་ དགའ་སྟོན་བརྩི་སྲུང་ཞུ་བའི་ ལོ་འབད་ནི་དེ་གིས་ཨིན། སྤྲེལ་ལོ་འགོ་བཙུགསཔ་ད་ འབངས་མི་སེར་ཚུ་ མི་དབང་མངའ་བདག་རིན་པོ་ཆེ་མཆོག་དང་ མི་དབང་རྒྱལ་བཙུན་རྣམ་གཉིས་ལས་ རྒྱལ་སྲས་འཁྲུངས་ནིའི་དོན་ལུ་ སག་ལངས་རེ་བ་བསྐྱེད་དེ་ བསྒུགས་སྡོདཔ་དང་འབྲེལ་ སྤྱི་ཟླ་༡ པའི་ཟླ་མཇུག་ལུ་ མི་དབང་རྒྱལ་བཙུན་རྣམ་གཉིས་ ག་ནི་བ་ གཟི་བརྗིད་ཆེ་བའི་ བཀྲིས་ཆོས་རྫོང་གི་གདོང་ཕྱོགས་ལུ་ ཁཝ་གིས་བསྐོར་ཏེ་ ཡོད་མིའི་སྦུག་ལུ་ སྐུ་པར་བཞེས་མི་དེ་ བགོ་བཀྲམ་གནང་ཡི། བདུན་ཕྲག་༢ ཀྱི་རྒྱབ་ལས་ སྤྱི་ཟླ་༢ པའི་ཚེས་༥ གནམ་ལོ་མེ་ཕོ་སྤྲོལ་ལོའི་ཚེས་༡༧ གྱི་དྲོ་པར་ དུས་བསྐལ་བཟང་པོའི་ དུས་ཚོད་ནང་ གླིང་ཀ་ནང་ཕོ་བྲང་ནང་སྦེ་ མི་དབང་རྒྱལ་བཙུན་མཆོག་ལས་ རྒྱལ་སྲས་སྐུ་འཁྲུངས་གནང་ཡི། ང་བཅས་འབྲུག་མི་ཚུ་ ལོ་གསར་གྱི་དོན་ལུ་ གྲ་སྒྲིག་འབད་བའི་ ནམ་དུས་ལུ་ ལོ་གསར་གྱི་ འབུལ་བ་སྦེ་ རྒྱལ་སྲས་སྐུ་འཁྲུངས་མི་ལུ་བརྟེན་ གནམ་ལོ་མེ་ཕོ་སྤྲེལ་ལོ་འདི་ [... Read More]

    གནས་ཚུལ།

    རང་ལུགས་གནམ་ལོ་ མེ་མོ་བྱ་ལོའི་ སྔོན་བཤད།

    རང་ཟླ་༣ པ་དང་༩ པ་གཉིས་ ཟླ་ནག་ཨིནམ་ལས་ གལ་ཆེ་བའི་ ལས་སྣ་ཚུ་ འཛེམ་དགོཔ་ཨིན་པས། ༉ རང་ལུགས་གནམ་ལོ་མེ་ཕོ་སྤྲེལ་ལོ་ནང་ མི་དབང་རྒྱལ་སྲས་མཆོག་ སྐུ་འཁྲུངསམ་ལས་ འབྲུག་གི་དོན་ལུ་ ནམ་ཡང་བརྗེད་པར་ཕངས་པའི་ལོ་དང་ རྒྱལ་རབས་ཅན་གྱི་ ལོ་གཅིག་སྦེ་ དུས་དང་རྣམ་པ་ཀུན་ཏུ་ རྗེས་སུ་དྲན་ནི་ཨིནམ་བཞིན་དུ་ སྤྲེལ་ལོ་མཇུག་བསྡུ་སྟེ་ གནམ་ལོ་མེ་མོ་བྱ་ལོ་ཚེསཔ་དང་འབྲེལ་ ལོ་འདི་ནང་ ཨ་ལུའི་དངོས་གྲུབ་མང་སུ་འབྱུང་ནི་ཨིན་པས། དེ་ཡང་ མེ་མོ་བྱ་ལོའི་ སྔོན་བཤད་དང་ འཁྲིལ་བ་ཅིན་ དུས་ཅི་གི་ ལོའི་སྨེ་བ་དེ་ གཅིག་དཀར་ཕོགཔ་ལས་ སྨེ་བ་ལེགས་ཤོམ་གྱི་གྲངས་སུ་ བརྩི་མི་དེ་ཡང་ ལྷའི་སྨེ་བ་འབད་མི་ལུ་བརྟེན་ཨིནམ་ད་ ཟླ་ཐོ་ནང་ སྐྱེས་སྨེ་དང་ བསྐོར་སྨེ་ཟེར་༢ བརྩི་ནི་ཡོད་མི་ལས་ ཨ་ལུ་ཚུ་ སྐྱེས་སྨེ་དང་འཁྲིལ་ སྐྱེས་དགོཔ་བཞིན་དུ་ དུས་ཅི་ ཨ་ལུ་སྐྱེས་མི་ཚུ་ བྱ་བ་སྤྱོད་ལམ་ལ་སོགས་པ་ཚུ་ག་ར་ ལེགས་ཤོམ་འོང་ནི་ཨིན་པས། མ་གཞི་ ད་རེས་ཀྱི་ བྱ་ལོ་གི་ ལོ་ཁམས་འདི་ མོ་ཨིན་རུང་ ཟླ་ཐོ་དང་འཁྲིལཝ་ད་ ཨ་ལུ་བུ་མང་སུ་སྐྱེས་འོང་ཟེར་ཨིན་པས། བྱ་ལོ་འདི་ནང་ ས་སྒོ་དང་ གནམ་སྒོ་ག་ནི་ཡང་མ་ཕོག་མི་ ལོ་རྟགས་བཟང་ཤོས་དེ་ སྐྱེས་ལོ་༦ ལང་མི་ ཆུ་འབྲུག་ལོ་པ་དང་ སྐྱེས་ལོ་༥༤ ལང་མི་ ཤིང་འབྲུག་ལོ་པ་༢ ཨིནམ་ལས་ [... Read More]

    གནས་ཚུལ།

    སྣུམ་འཁོར་རྒྱུན་འགྲུལ་ཆིངས་ཡིག་ ཚོགས་ཁང་གཉིས་ཀྱི་བར་ན་ མོས་མཐུན་བྱུང་མ་ཚུགསཔ།

    ༉ ན་ཧིང་ སྤྱི་ཟླ་༡༢ པའི་ཚེས་༩ ལུ་ རྒྱལ་ཡོངས་ཚོགས་འདུའི་ ཚོགས་ཐེངས་༨ པ་ མཇུག་བསྡུ་ཡོདཔ་བཞིན་དུ་ ཚོགས་ཐེངས་དེ་ནང་ རྒྱལ་སྤྱིའི་ལྷན་འཛོམས་མང་རབས་ཅིག་དང་ དཔྱད་ཡིག་༢ ཆ་འཇོག་གྲུབ་ཡོདཔ་ཨིན། ཨིན་རུང་ འབྲུག་གི་ཅ་དམ་དཔྱད་ཡིག་དང་ འབྲུག་དང་ བང་ལ་དེཤི་ རྒྱ་གར་ ནེ་པཱལ་རྒྱལ་ཁབ་ཚུ་གི་ སྣུམ་འཁོར་རྒྱུན་འགྲུལ་ཆིངས་ཡིག་ཐད་ཁར་ རྒྱལ་ཡོངས་ཚོགས་འདུ་དང་ རྒྱལ་ཡོངས་ཚོགས་སྡེ་གཉིས་ཀྱི་བར་ན་ མོས་མཐུན་བྱུང་མ་ཚུགསཔ་ཨིན་པས། ཁྲིམས་བཟོ་གི་ བྱ་སྒོའི་ལམ་ལུགས་དང་འཁྲིལ་ཏེ་ ཆིངས་ཡིག་དེ་དང་ དཔྱད་གཉིས་ སྤྱི་ཚོགས་ལྷན་བཞུགས་ནང་ གསུང་གྲོས་གནང་ནིའི་དོན་ལུ་ མི་དབང་མངའ་བདག་རིན་པོ་ཆེའི་ བཀའ་གྲོལ་གྱི་དོན་ལུ་ ཕུལ་ཡོདཔ་ཨིན། ཨིན་རུང་ རྒྱལ་ཡོངས་ཚོགས་འདུ་གིས་ ཆ་འཇོག་འབད་ཡོད་མི་ སྣུམ་འཁོར་རྒྱུན་འགྲུལ་ཆིངས་ཡིག་དེ་ རྒྱལ་ཡོངས་ཚོགས་སྡེ་གིས་ ཆ་འཇོག་གནང་མ་བཏུབ་ཨིན་པས། སྣུམ་འཁོར་རྒྱུན་འགྲུལ་གྱི་ ཆིངས་ཡིག་དེ་གིས་ རྒྱལ་ཁབ་བཞི་གི་བར་ནའི་ ས་མཚམས་བདའ་སྟེ་ སྣུམ་འཁོར་ཚུ་ སྟབས་མ་བདེཝ་ག་ཅི་ར་མེད་པར་ རྒྱུན་འགྲུལ་འཐབ་ཚུགས་ནིའི་དོན་ལུ་ཨིན་པས། འོང་འབབ་ཁྲལ་གྱི་བཅའ་ཁྲིམས་༢༠༠༡ ཅན་མ་དང་འཁྲིལ་ཏེ་ གཏན་འཇགས་གསོག་འཇོག་གུ་ ཁྲལ་ཡང་ཆག་འབད་མི་དེ་ རྒྱལ་ཡོངས་ཚོགས་འདུ་གིས་ ཆ་འཇོག་གནང་ཡོདཔ་ད་གཡོག་གི་གོ་སྐབས་བཟོ་ནིའི་དོན་ལུ་ རྒྱལ་ཡོངས་ཚོགས་འདུ་གིས་ འཆར་དངུལ་ཐེབས་ དངུལ་ཀྲམ་ས་ཡ་༢༦༢ དེ་ཅིག་ ཆ་འཇོག་འབད་ཡོདཔ་ཨིན་པས། མི་དབང་མཆོག་གིས་ སྤྱི་ཚོགས་ཀྱི་ ཚོགས་ཐེངས་༧ པའི་སྐབས་ལུ་ [... Read More]

    གནས་ཚུལ།

    སྤྱི་ལོ་༢༠༡༦ ལུ་ ལུང་ཕྱོགས་ལྟ་བཤལ་པའི་གྱངས་ཁ་ ཡར་སེང་སོང་ཡོད་པའི་གདོང་ལེན།

    ༉ ན་ཧིང་གི་ལོ་ནང་ ལྟ་བཤལ་ལས་སྡེ་ལུ་ གདོང་ལེན་ལེ་ཤ་བྱུང་མིའི་གྲས་ལས་ ལུང་ཕྱོགས་ལྟ་བཤལ་པའི་གྱངས་ཁ་ ཡར་སེང་སོང་མི་དང་ སྤ་རོ་སྟག་ཚང་གནས་ནང་ ལྟ་བཤལཔ་འོང་མི་ཚུ་ བཀག་འཛིན་འབད་ནིའི་ གྲོས་འཆར་འབད་མི་ཚུ་ཨིན་པས། དེ་ཡང་ སྤ་རོ་རྫོང་ཁག་ཚོགས་འདུ་གིས་ ལྟ་བཤལ་ས་ཁོངས་ངོ་མ་ཅིག་ཨིན་མི་ སྤ་རོ་སྟག་ཚང་གནས་དེ་ རེས་གཟའ་ལྷག་པ་ཨ་རྟག་ར་ སྒོ་བསྡམ་བཞག་ནིའི་ གྲོས་འཆར་བཟོ་མི་དེ་ལུ་ ལྟ་བཤལ་ལས་སྡེ་ཚུ་ལས་ ངོས་ལེན་ལེགས་ཤོམ་ཅིག་ མ་ཐོབ་ཨིན་པས། རྫོང་ཁག་བདག་སྐྱོང་གིས་ གྲོས་འཆར་བཙུགས་དགོ་པའི་ གནད་དོན་ངོ་མ་ར་ སྤྱི་ལོ་༢༠༡༦ ལས་འགོ་བཙུགས་ གྲོས་འཆར་བཀོད་མི་ ཚེས་གྲངས་ཚུ་ནང་ སྟག་ཚང་གནས་ཀྱི་ ས་ཁོངས་ཚུ་ནང་ ཕྱགས་བརྡར་རྐྱབ་ནི་དང་ ཉམས་བཅོས་ཀྱི་ ལཱ་འབད་དགོཔ་ཐོན་མི་ཚུ་ དེ་སྐབས་ འབད་ནིའི་དོན་ལུ་ཨིན་པས། ཨིན་རུང་ ལྟ་བཤལ་ལས་སྡེའི་ཧོངས་ལས་ ངོས་ལེན་མེད་མི་ལུ་བརྟེན་ གྲོས་འཆར་དེ་ སྤྱི་ཟླ་༤ པ་ཚུན་ ཕར་འགྱངས་འབད་ཡོད་མི་དེ་ རྒྱལ་ཡོངས་ཀྱི་གནས་ཚད་ནང་ གནོད་ཉེན་ཡོདཔ་ལས་ ནང་སྲིད་ལྷན་ཁག་གིས་ གནད་དོན་དེ་ ལྷན་རྒྱས་གཞུང་ཚོགས་ནང་ བཙུགས་དགོཔ་སྦེ་ སླབ་པའི་ཤུལ་ལས་ ད་རུང་ ཚར་གཅིག་ ཕར་འགྱངས་དགོཔ་ ཐོན་པའི་ཤུལ་ལས་ སྟག་ཚང་དེ་ ཨ་རྟག་ར་ ཕྱི་རུའི་ཆུ་ཚོད་༣ ཚུན་ སྒོ་ཕྱེ་བཞག་ནིའི་ གྲོས་ཐག་བཅད་ཡོདཔ་ཨིན་པས། དེ་མ་ཚད་ ལོ་འགོ་བཙུགས་ཁམས་ལུ་ [... Read More]

    གནས་ཚུལ།

    གསོ་བའི་ལས་སྡེ་གིས་ ཆང་གི་སྲིད་བྱུས་ ཆ་འཇོག་གྲུབ་སྟེ་ མེ་ཕོ་སྤྲེལ་ལོ་ འགོ་བཙུགས་ཡོདཔ།

    ༉ མ་གཞི་ རང་ལུགས་གནམ་ལོ་མེ་ཕོ་སྤྲེལ་ལོ་དེ་ དུས་ཆེན་ཁྱད་པར་ཅན་༣ འཛོམས་པའི་ ཁྱད་དུ་འཕགས་པའི་ ལོ་ཅིག་ཨིན་རུང་ གསོ་བའི་ལས་སྡེ་ནང་ གདོང་ལེན་འབད་དགོཔ་ བྱུང་ཡོདཔ་ཨིན་པས། རྒྱལ་ཁབ་ནང་ མི་ལུ་ཤི་རྐྱེན་བྱུང་བའི་ གནད་དོན་མཐོ་ཤོས་ར་ ཆང་ལུ་བརྟེན་ཨིནམ་ལས་ གནད་དོན་དེ་ སེལ་ཐབས་འབད་ནི་ལུ་ ལྷན་རྒྱས་གཞུང་ཚོགས་ཀྱིས་ ཆང་གི་སྲིད་བྱུས་ ཆ་འཇོག་གྲུབ་སྟེ་ མེ་ཕོ་སྤྲེལ་ལོ་ འགོ་བཙུགས་ནུག། ལྷན་རྒྱས་གཞུང་ཚོགས་ཀྱིས་ སྤྱི་ཟླ་༡༢ པའི་ཚེས་༢ ལུ་ ཆང་གི་ཉེས་པ་ཚུ་ མར་ཕབ་འབད་ནིའི་དོན་ལུ་ རྒྱལ་ཡོངས་སྲིད་བྱུས་དང་ ཐབས་བྱུས་བཀོད་ཁྲམ་ ཆ་འཇོག་གྲུབ་ཡོདཔ་ཨིན་པས། སྲིད་བྱུས་དང་འཁྲིལཝ་ད་ འབྲུག་པའི་མི་མང་ཤོས་ཅིག་གིས་ ཆང་འཐུང་དོ་ཡོད་པའི་ མངོན་གསལ་བྱུང་ཡོདཔ་ཨིན་པས། དེ་ལས་ ཆང་ལུ་བརྟེན་པའི་ མཆིན་པའི་ནད་གཞི་ཐོབ་སྟེ་ ཉིནམ་༢ ནང་ མི་རེ་ལུ་ ཤི་རྐྱེན་བྱུང་དོ་ཡོདཔ་ལས་ མི་ལུ་ཤི་རྐྱེན་ བྱུང་མི་ རྒྱུ་རྐྱེན་མཐོ་ཤོས་ཅིག་ལུ་ ལྷོད་དེ་འདུག་ཟེར་ སྙན་ཞུ་ནང་ བཀོད་ནུག། སྤྱི་ལོ་༢༠༡༦ ལུ་ ཨའི་དང་ ཨ་ལུ་གཉིས་ཆ་རའི་ འཕྲོད་བསྟེན་ལུ་ གཙོ་རིམ་བཟུང་ཡོདཔ་བཞིན་དུ་ གསོ་བའི་ལྷན་ཁག་གིས་ ཐིམ་ཕུག་ འཇིགས་མེད་རྡོ་རྗེ་དབང་ཕྱུག་རྒྱལ་ཡོངས་གཙོ་བསྟེན་སྨན་ཁང་ནང་ ཨམ་སྲུ་ཚུ་གིས་ ན་ཟུག་མེད་པར་ ཨ་ལུ་སྐྱེ་ནིའི་ སྨན་ཁབ་ཀྱི་ [... Read More]

    གནས་ཚུལ།

    གནམ་ལོ་མེ་ཕོ་སྤྲེལ་ལོའི་ནང་ ཨམ་སྲུ་ཅིག་གིས་ སྐྱོད་ཐམ་རྫུས་བཟོ་འབད་མི་དེ་ རྩོད་རྙོགས་སྦོམ་ཤོས་ཨིནམ།

    ༉ སྤྱི་ལོ་༢༠༡༦ ཟླ་༤ པའི་ཚེས་༣ ལུ་ བེང་ཀོག་གི་ས་གནས་ ཀོ་ལོང་ ཨོང་ཨང་ཟེར་སར་ འབྲུག་པའི་ ཕོ་སྐྱེས་ཅིག་གི་ ཕུངམ་ཐོབ་མི་དེ་གིས་ འབྲུག་མི་ག་ར་ རྣམ་རྟོག་ལང་བཅུག་ཡོདཔ་ཨིན་པས། ཚེ་འདས་དེ་གིས་ སྨྱོ་རྫས་ཀྱི་རིགས་ཚུ་ ལྐོད་མར་བཏང་སྟེ་ འབག་འོང་པའི་སྐབས་ སྨྱོ་རྫས་ཀྱི་རིགས་ཅིག་ ཕོཝ་ནང་ གས་མི་ལུ་བརྟེན་ ཤི་རྐྱེན་བྱུང་ཡོདཔ་སྦེ་ དོགས་པ་ཆགས་ཡོདཔ་ད་ སྨྱོ་རྫས་ཀི་རིསི་ཊལ་ མེ་ཐམ་ཕེ་ཊ་མིན་ཟེར་མི་དེ་ ལྐོད་མར་བཏང་ཡོདཔ་ཨིན་པས། ཐའི་གི་ ཉེས་འགེལ་ཁྲིམས་འདུན་གྱིས་ ཚེ་འདས་ཕོ་སྐྱེས་ཀྱི་ ཤི་རྐྱེན་ནང་ འབྲེལ་གཏོགས་འབད་ཡོད་མི་ འབྲུག་མི་དོགས་ཅན་༥ དང་ ནེ་པཱལ་གྱི་ དོགས་ཅན་ཕོ་སྐྱེས་༡ བརྩིས་ཏེ་ དོགས་ཅན་༦ འཛིན་བཟུང་གི་ བཀའ་རྒྱ་གནང་ཡོདཔ་ད་ དོགས་ཅན་ཚུ་ རྒྱ་གར་ལས་ ཐའི་ལེནཌ་ལུ་ སྨྱོ་རྫས་ནག་ཚོང་འཐབ་མིའི་ འཐུས་མི་ཚུ་ཨིན་པས། སྤྱི་ལོ་༢༠༡༦ ཟླ་༩ པའི་ཚེས་༡ ལུ་ རྩོད་དཔོན་ཡོངས་ཁྱབ་ཡིག་ཚང་གིས་ དོགས་ཅན་ཨམ་སྲུ་༢ དང་ ཕོ་སྐྱེས་༢ ལུ་ དབྱེ་རིམ་དང་པའི་ ཉེས་འཛུགས་འབད་ཞིནམ་ལས་ ཁྲིམས་ཀྱི་འདུན་སར་ བསྐྱལ་ཡོདཔ་ཨིན་པས། ལོ་ངོ་༢༠ ལྷགཔ་ཅིག་ནང་ ཕྱིའི་རྒྱལ་ཁབ་ཚུ་ནང་ འབྲུག་མི་ཉུང་ཤོས་༥ [... Read More]

    གནས་ཚུལ།

    ན་ཧིང་ སྐུར་འདེབས་དང་འབྲེལ་བའི་ རྩོད་བཤེར་གྱིས་ དྲང་ཁྲིམས་ལྷན་སྡེ་ བརྡ་བརྒྱུད་ནང་ ཡོངས་གྲགས་ཐོན་ཡོདཔ།

    ༉ བརྡ་བརྒྱུད་ལས་ཁང་ཚུ་གིས་ སྤྱི་ལོ་༢༠༡༦ གི་ལོ་ འགོ་བཙུགས་པའི་སྐབས་ ཁྲིམས་འདུན་ཁག་ཚུ་ནང་ལས་ ཨ་རྟག་ར་ གནང་སྲོལ་ཡོད་པའི་ འཁྲུན་ཆོད་ཚུ་ གནང་པའི་སྐོར་ལས་ གནས་ཚུལ་ཚུ་ བསྡུ་ལེན་འབད་དེ་ དྲང་ཁྲིམས་ལྷན་སྡེ་གི་ ལོ་དེ་ཡང་ ལེགས་ཤོམ་སྦེ་ འགོ་བཙུགས་ཡོདཔ་ཨིན། ཨིན་རུང་ ལོ་བར་ཁམས་ཅིག་ནང་ལྷོདཔ་ད་ མངོན་མཐོ་ཁྲིམས་འདུན་གྱིས་ སྤྱི་ཟླ་༦ པའི་ཚེས་༥ ལུ་ བཙག་འཐུ་ལྷན་ཚོགས་ལུ་ ས་གནས་གཞུང་གི་ ཡན་ལག་ཁྲོམ་དང་ རྫོང་ཁག་ཁྲོམ་སྡེའི་བཙག་འཐུ་ཚུ་ ཕར་འགྱངས་འབད་དགོ་པའི་སྐོར་ལས་ བཀའ་རྒྱ་གནང་མི་དེ་གིས་ ས་གནས་གཞུང་གི་ཐད་ཁར་ལྷོདཔ་ད་ བདག་སྐྱོང་དང་ཁྲིམས་འབྲེལ་གྱི་ བྱ་སྟབས་མ་བདེཝ་ཚུ་ ཡོད་པའི་སྐོར་ལས་ ལོ་རྒྱུས་ཚུ་ བརྡ་བརྒྱུད་ནང་ ཐོན་མི་དེ་གིས་ དྲང་ཁྲིམས་ལྷན་སྡེ་དེ་ཡང་ ཚར་གཅིག་ བརྡ་བརྒྱུད་ནང་ ཡོངས་གྲགས་ཐལ་ཡི། བཀའ་རྒྱ་དང་འཁྲིལཝ་ད་ མངོན་མཐོ་ཁྲིམས་འདུན་དེ་ རྩ་ཁྲིམས་ཆེན་མོའི་ གཞི་འཛིན་དང་ དེའི་དོན་འགྲེལ་མཐའ་གཅོད་ཀྱི་ དབང་འཛིན་ཅིག་ཨིནམ་སྦེ་ འཁོད་ཡོདཔ་མ་ཚད་ ས་གནས་གཞུང་དང་ བཙག་འཐུའི་བཅའ་ཁྲིམས་ དེ་ལས་ རྩ་ཁྲིམས་ཆེན་མོའི་ནང་ མ་མཐུན་པའི་དོན་ཚན་ཡོད་མི་ཚུ་ བསྐྱར་ཞིབ་འབད་ནིའི་དོན་ལུ་ ཆེ་མཐོའི་གནས་ཚད་ཀྱི་ ཚོགས་ཆུང་བཟོ་དགོ་པའི་ བཀའ་རྒྱ་གནང་ཡོདཔ་ཨིན་པས། དེ་མ་ཚད་ རང་དབང་གི་བརྡ་བརྒྱུདཔ་ རྣམ་རྒྱལ་བཟང་མོ་གིས་ ཌོག་ཊར་ ཤཱཀྱ་དབང་མོ་དང་ [... Read More]

    གནས་ཚུལ།

    ས་གནས་གཞུང་གི་ བཙག་འཐུ་ཐེངས་༢ པ་ མཐར་འཁྱོལ་ཅན་སྦེ་ འགོ་འདྲེན་འཐབ་ཚུགས་ཡོདཔ།

    ༉ གནམ་ལོ་མེ་ཕོ་སྤྲེལ་ལོའི་ནང་ ས་གནས་གཞུང་གི་ བཙག་འཐུ་ཐེངས་༢ པ་དེ་ ལེགས་ཤོམ་སྦེ་ར་ འགོ་འདྲེན་འཐབ་ཚུགས་ཡོདཔ་ཨིན་རུང་ ཁྲོམ་སྡེ་དང་ ཡན་ལག་ཁྲོམ་སྡེ་ ངོས་འཛིན་འབད་བའི་སྐབས་ མི་སེར་དང་ མི་སེར་གྱི་བར་ན་དང་ སྲིད་དོན་ཚོགས་པ་ཚུ་གི་བར་ན་ མེ་འབར་དོ་བཟུམ་གྱི་ ཚོར་སྣང་བྱུང་སྟེ་ བྱ་སྟབས་མ་བདེཝ་ཚུ་ཐོན་ཡི། སྤྱི་ལོ་༢༠༡༦ ཟླ་༩ པའི་ནང་ ས་གནས་གཞུང་གི་བཙག་འཐུ་ འགོ་འདྲེན་འཐབ་པའི་སྐབས་ རྒེད་འོག་༢༠༥ གི་ རྒཔོ་དང་ དམངས་མི་ ཚོགས་པ་ དེ་ལས་ ཁྲོམ་སྡེ་༤ གི་ ཁྲོམ་དཔོན་དང་ ཁྲོམ་སྡེའི་འཐུས་མི་ཚུ་ བཙག་འཐུ་གྲུབ་ཅི། ཨིན་རུང་ སྤྱི་འོག་༤༠ གི་ཚོགས་པ་ཚུ་ བཙག་འཐུ་གྲུབ་མ་ཚུགས་པའི་ཁར་ ཁྲོམ་སྡེའི་འཐུས་མི་ དག་པ་ཅིག་ཡང་ བཙག་འཐུ་མ་གྲུབ་ནི་དེ་གིས་ གཞུང་གིས་ ཟད་འགྲོ་ཐེབས་བཏང་སྟེ་ ད་རུང་ དུས་མིན་བཙག་འཐུ་ འགོ་འདྲེན་འཐབ་དགོཔ་ཨིན་པས། རྫོང་ཁག་༢༠ གི་ཁྲི་འཛིན་༢༠ ལུ་ མི་དབང་མངའ་བདག་རིན་པོ་ཆེ་མཆོག་གིས་ དཔའ་རྟགས་གནང་མི་དེ་ རྒྱལ་རབས་ཅན་ཅིག་ཨིནམ་མ་ཚད་ ས་གནས་གཞུང་གི་ གནས་ཚད་ནང་ ལེགས་ལྡན་གཞུང་སྐྱོང་ གོང་འཕེལ་གཏང་ནི་ལུ་ ཕན་ཐོགས་སྦོམ་འབྱུང་ནི་ཨིན་པས། གཞུང་གིས་ རྫོང་ཁག་ཁྲོམ་སྡེ་དང་ རྫོང་ཁག་ཡན་ལག་ཁྲོམ་སྡེ་ཚུ་ ངོས་འཛིན་འབད་ནི་ལུ་ གཙོ་བོར་བཏོན་ཏེ་ [... Read More]

    གནས་ཚུལ།

    དཔལ་འབྱོར་གོང་འཕེལ་གྱི་ གྲུབ་འབྲས་ལེགས་ཐོན་མེདཔ།

    ༉ མ་གཞི་ འདས་པའི་ལོ་ཚུ་དང་ཕྱདཔ་ད་ སྤྱི་ལོ་༢༠༡༦ ལུ་ སྤྱིར་བཏང་དཔལ་འབྱོར་གོང་འཕེལ་གྱི་ ལཱ་འབད་ནི་ལུ་ དུམ་གྲ་ཅིག་ ལྷན་ཐབས་བྱུང་ཡོད་རུང་ གྲུབ་འབྲས་ལེགས་ཤོམ་ཅིག་ ཐོན་མ་ཚུགས། རྒྱལ་ཁབ་ཀྱི་ དཔལ་འབྱོར་གོང་འཕེལ་ གཞི་བཞག་ས་ སྤུ་ན་གཙང་ཆུ་གློག་མེ་ལས་འགུལ་དང་པ་དེ་ སྤྱི་ལོ་༢༠༡༦ ལུ་ མཇུག་བསྡུ་དགོཔ་ཨིན་རུང་ ལཱ་དེ་ འཕྲོ་མཐུད་འབད་དགོཔ་ཐོནམ་ལས་ གཞུང་ལུ་ ཟད་འགྲོ་བརྒྱ་ཆ་༡༧༠ ཐེབས་གནས་ཡི། ཧེ་མ་ གློག་མེ་ལས་འགུལ་དེ་ ཟད་འགྲོ་དངུལ་ཀྲམ་ཐེར་འབུམ་༣༩ གནས་ནི་ཨིནམ་སྦེ་ སྔོན་རྩིས་བཏོན་མི་དེ་ ད་རེས་འབདཝ་ད་ དངུལ་ཀྲམ་ཐེར་འབུམ་༩༧ ལུ་ ཡར་སེང་སོང་ཡི། དེ་མ་ཚད་ ན་ཧིང་ ཟླཝ་༩ གི་ ནང་འཁོད་ལུ་ར་ རྒྱལ་ཁབ་ཀྱིས་ ཕྱིའི་རྒྱལ་ཁབ་ཚུ་ལས་ དངུལ་ཀྲམ་ཐེར་འབུམ་༤༨.༦ དེ་ཅིག་གནས་པའི་ ཅ་ཆས་ཚུ་ ནང་འདྲེན་འབད་ཡོདཔ་ད་ དེ་ལས་ ཕྱིར་ཚོང་དངུལ་ཀྲམ་ཐེར་འབུམ་༢༤.༧ དེ་ཅིག་འབད་མི་ལས་ ཁྱད་པར་དངུལ་ཀྲམ་ཐེར་འབུམ་༢༤ དེ་ཅིག་ ཆགས་ཡོད་མི་དེ་གིས་ཡང་ དཔལ་འབྱོར་གོང་འཕེལ་ལུ་ ཤུགས་འབད་ར་ ཐོ་ཕོག་ཡི། འབྲུག་མི་ཚུ་གིས་ ནང་འདྲེན་ལུ་ ཤུགས་བཏོན་པའི་སྐབས་ མ་དངུལ་དེ་ ཕྱི་ཁར་འགྱོ་དོ་ཡོདཔ་ལས་ དེ་གིས་ རྒྱལ་ཁབ་ཀྱི་ གསོག་འཇོག་ལུ་ཡང་ [... Read More]

    གནས་ཚུལ།

    གནམ་ལོ་མེ་ཕོ་སྤྲེལ་ལོ་ དུས་ཆེན་གསུམ་འཛོམས་ཀྱི་ ལོ་ཁྱད་དུ་འཕགས་པ་ཅིག་ཨིནམ།

    ༉ གནམ་ལོ་མེ་ཕོ་སྤྲེལ་ལོ་དེ་ སྤྱིར་ནང་པའི་བསྟན་པ་འཛིན་མི་ རྒྱལ་ཁབ་ཚུ་དང་ ཁྱད་པར་དུ་ འབྲུག་རྒྱལ་ཁབ་ཀྱི་དོན་ལུ་ བྱིན་རླབས་ཅན་གྱི་ ལོ་ཅིག་ཨིན་མི་དེ་ཡང་ སངས་རྒྱས་གཉིས་པ་ ཨྱོན་གུ་རུ་རིན་པོ་ཆེ་མཆོག་ སྐུ་འཁྲུངས་པའི་ལོ་དང་ ཞབས་དྲུང་རིན་པོ་ཆེ་ འབྲུག་ལུ་བྱོན་ཏེ་ མི་ལོ་༤༠༠ འཁོར་བའི་ལོ་ དེ་ལས་ མི་དབང་རྒྱལ་སྲས་མཆོག་ སྐུ་འཁྲུངས་པའི་ལོ་འབད་ནི་དེ་གིས་ཨིན། མེ་ཕོ་སྤྲེལ་ལོ་དེ་ ལོ་འཁོར་༡༢ ཀྱི་ཤུལ་ལས་རྐྱངམ་གཅིག་ ཚར་རེ་འོང་དོ་ཡོདཔ་ལས་ ལོ་ཁམས་མེ་དེ་ཡང་ སངས་རྒྱས་འོད་དཔག་མེད་ཀྱི་ སྐུ་མདོག་དམར་པོའི་འོད་དེ་ ཨྱོན་གུ་རུ་རིན་པོ་ཆེ་ལུ་ བྱིན་གྱིས་བརླབས་གནང་མི་ མི་དབང་རྒྱལ་སྲས་མཆོག་ སངས་རྒྱས་འོད་དཔག་མེད་དང་ ཨྱོན་གུ་རུ་རིན་པོ་ཆེ་གིས་ བྱིན་གྱིས་བརླབས་པའི་ བརྡ་མཚོན་བཟང་པོ་ཅིག་ཨིན་པས། མི་དབང་རྒྱལ་སྲས་མཆོག་ སྐུ་འཁྲུངས་ཏེ་ ཉིན་གྲངས་༧༡ བཞེས་པའི་སྐབས་ སྤུངས་ཐང་བདེ་བ་ཆེན་པོའི་ཕོ་བྲང་ནང་ མཚན་གསོལ་གནང་པའི་རྟེན་འབྲེལ་ལུ་ འབྲུག་མི་ཚུ་ལུ་ ནང་རྟེན་བྱིན་ཅན་ ཁག་༡༦ མཇལ་ཁ་གནང་མི་དེ་ ཧེ་མ་ མ་ཐོབ་པའི་བསྐལ་བ་ བཟང་པོ་ཅིག་ཨིན་པས། དེའི་ནང་ལས་ཡང་ ཧེ་མ་ མཇལ་ཁ་མ་གནང་མི་ རང་བྱུང་ཁར་ས་པ་ཎི་དང་ ཞབས་དྲུང་གི་སྒོམ་ཞྭ་ བཞེས་ཆ་ དེ་ལས་ དངུལ་གྱི་གདུང་ཆ་གཅིག་ མཇལ་ཁ་གནང་མི་ལུ་བརྟེན་ འབྲུག་མི་ཚུ་ ངན་སོང་གསུམ་ལུ་སྐྱེ་ནིའི་ སྐྱེ་སྒོ་བཀག་ཚུགས་པའི་ གོ་སྐབས་བྱུང་ཡི། མི་དབང་རྒྱལ་སྲས་མཆོག་ སྐུ་འཁྲུངས་མི་ལུ་ [... Read More]